యూట్యూబ్, ఇన్‌స్టాగ్రామ్ వాడుతున్నవారికి షాక్
Andhra Pradesh Telugu | Suryaa Desk | Published : Fri, Aug 21, 2020, 05:36 PM
యూట్యూబ్, ఇన్‌స్టాగ్రామ్ వాడే వారికి బ్యాడ్ న్యూస్. మీ డేటా ఇతరుల చేతుల్లోకి వెళ్లి ఉంటుంది. ప్రపంచ వ్యాప్తంగా కోట్లాది మంది యూజర్ల డేటా లీక్ అయింది. కేవలం యూట్యూబ్, ఇన్‌స్టాగ్రామ్ యూజర్ల డేటా మాత్రమే కాదు, టిక్‌టాక్ అకౌంట్లలోని డేటా లీక్ అయింది. ఈ మూడు ప్లాట్‌ఫామ్స్‌లో అకౌంట్స్ ఉన్నవారి అనేక వివరాలు లీక్ అయ్యాయన్న వార్తలు కలకలం రేపుతున్నాయి. అసలు ఏయే సమాచారం లీక్ అయిందో తెలుసుకుంటే మీకు షాక్ అవ్వాల్సిందే. ప్రొఫైల్ పేరు, పూర్తి పేరు, ప్రొఫైల్ ఫోటో, అకౌంట్ డిస్క్రిప్షన్, ఫాలోయర్స్ సంఖ్య, ఎంగేజ్‌మెంట్ రేట్, లైక్స్, వయస్సు, జెండర్ ఇలా చాలా వివరాలు లీక్ అయ్యాయని సైబర్ సెక్యూరిటీ సంస్థ కంపారిటెక్ సంస్థలోని సెక్యూరిటీ రీసెర్చ్ టీమ్ బయటపెట్టింది. ఇటీవల కాలంలో ఇది అతిపెద్ద డేటా లీక్ అని ఆ టీమ్ అభిప్రాయపడింది.డార్క్ వెబ్ సైబర్ క్రైమ్ ఫోరమ్స్‌లో ఈ డేటా లీక్‌కు సంబంధించిన వివరాలు ఉన్నాయి. డీప్ సోషల్ అనే కంపెనీ దగ్గర లీక్ అయిన డేటా ఉంది. అయితే ఈ కంపెనీ ఇప్పటికే మూతపడింది. ఆగస్ట్ 1 నాటికి ఇలా మూడు కాపీల డేటా లీక్ అయినట్టు కంపారిటెక్ లీడ్ రీసెర్చర్ బాబ్ డియాచెంకో వెల్లడించారు. డీప్ సోషల్ కంపెనీని కాంటాక్ట్ చేస్తే అది హాంకాంగ్‌కు చెందిన సోషల్ డేటా సంస్థ అని తేలింది. డార్క్ వెబ్‌లో లీక్ అయిన ఈ డేటాను మోసాలు చేయడానికి, సైబర్ నేరాలు చేయడానికి ఉపయోగించే అవకాశం ఉందని సైబర్ సెక్యూరిటీ సంస్థ కంపారిటెక్ ఆందోళన వ్యక్తం చేసింది.
|
|