వర్షాల వల్ల నష్టపోయిన రైతులను ప్రభుత్వం ఆదుకోవాలి

పత్తికొండ మండలంలో ఈ సంవత్సరం రైతులు తమ పొలాల్లో విత్తనాలు వేసినప్పుడు నుండి అధిక వర్షాలు రావడం వల్ల అతివృష్టి ఏర్పడి పంటనష్టపోవడం జరిగింది అని సిపిఐ నాయకులు పేర్కొన్నారు. నష్టపోయిన రైతులకు నష్టపరిహారం ఇవ్వాలని పత్తికొండ మండల తహసీల్దార్ కి శుక్రవారం 21వ తేదీన సమస్యలతో కూడిన వినతి పత్రం ఇవ్వడం జరిగింది. అనంతరం సిపిఐ జిల్లా కార్యవర్గ సభ్యులు గురుదాస్ సిపిఐ మండల కార్యదర్శి డి.రాజా సాహెబ్ మాట్లాడుతూ... ఈ సంవత్సరం విత్తనాలు వేసినప్పుడు నుండ అధిక వర్షాలు రావడం వల్ల అతివృష్టి ఏర్పడి పంటలు దెబ్బతిని పోయాయన్నారు.అధిక వర్షాలు కురవడం వల్ల వాగులు, వంకలు పొంగి పొర్లి పంట పొలాలు నీట మునిగి పోయి నట్లు తెలిపారు. హంద్రీ నది పరివాహక ప్రాంతంలో వేసిన పంటలు నీటిలో కొట్టుకోవడం, మెట్ట ప్రాంతంలో అధిక వర్షాల వల్ల పంట పొలాల్లో నీరు నిలిచి కుల్లిపోయి పంట పొలాల్లో చిన్న పాటి కాలవలు, చెరువులను తలపిస్తున్న టు తెలిపారు. జోము వచ్చి వేసిన పంటలు వేరుశనగ, కంది, సజ్జ, టమోటా, ఆముదము, పత్తి, ఉల్లి పంటలు పూర్తిగా దెబ్బతిని పోయాయన్నారు. ఆ పంటలకు కుళ్లు తెగులు, ఆకు మచ్చ తెగులు, సోకి రైతులు తీవ్ర ఇబ్బందులు ఎదుర్కొంటున్నారన్నారు.రైతులు పెట్టిన పెట్టుబడి కూడా చేతికి వచ్చే పరిస్థితి లేదు ఒక ఎకరాకు 30 వేల నుండి 50 వేల వరకు పెట్టుబడి పెట్టిన పెట్టుబడి పెట్టిన చేతికి వచ్చే పరిస్థితి కనిపించడం లేదని అన్నారు. మండలంలో అతివృష్టి ఏర్పడి పంటలు పూర్తిగా దెబ్బతిన్నాయి, తక్షణమే రెవెన్యూ వ్యవసాయ అధికారులు క్షేత్రస్థాయిలో పంటపొలాలు పరిశీలించి పంట నష్టపోయిన రైతులకు ఒక ఎకరాకు 30 వేల రూపాయలు చొప్పున నష్టపరిహారం ఇవ్వాలని ప్రభుత్వాన్ని డిమాండ్ చేశారు. లేనిపక్షంలో రైతులను సమీకరించి పెద్ద ఎత్తున ఆందోళన చేపడతామని ప్రభుత్వాన్ని హెచ్చరించారు. ఈ కార్యక్రమంలో సిపిఐ పట్టణ కార్యదర్శి బి. సురేంద్ర కుమార్, కౌలు రైతు సంఘం జిల్లా కార్యదర్శి కే. తిమ్మయ్య, ఆంధ్రప్రదేశ్ రైతు సంఘం అధ్యక్ష కార్యదర్శులు ఎం. కారన్న, పెద్ద వీరన్న, సిపిఐ పట్టణ సహాయ కార్యదర్శి నెట్టికంటియ్య, సిపిఐ నాయకులు బొజ్జపా, మద్దిలేటి, తదితరులు పాల్గొన్నారు.