ఇసుక అక్రమ రవాణాను అరికట్టేందుకు చర్యలు
Andhra Pradesh Telugu | Suryaa Desk | Published : Thu, Aug 20, 2020, 06:58 PM
కర్నూలు జిల్లా కోడుమూరు నియోజకవర్గం పరిధిలోని గూడూరు పట్టణంలో గురువారం జిల్లా ఎస్పీ డాక్టర్ ఫక్కీరప్ప కాగినెల్లి ఐపియస్, స్పెషల్ ఎన్ ఫోర్స్ మెంట్ బ్యూరో గౌతమి సాలి ఆదేశాల మేరకు ఎస్సై నాగార్జున ఆధ్వర్యంలో సి.బెళగల్ మండలం రంగాపురం, గుండ్రేవుల, ఈర్లదిన్నె గ్రామాల్లో ఉన్న ప్రభుత్వం సూచించిన ఇసుక రీచ్ ల నుంచి ఇసుకను స్టాక్‌ పాయింట్లకు తరలిస్తున్న వాహనాలను తనిఖీలు చేశారు.ఈ తనిఖీల్లో ఇసుక రీచ్ నుంచి స్టాక్‌యార్డు వద్దకు తరలింపునకు ఇచ్చిన అన్లైన్ బిల్లుల రసీదులను తనిఖీలు చేశారు. అలాగే స్థానికంగా ఉన్న వేబ్రిడ్జి వద్ద తూకాలలో వ్యత్యాసాలు ఉన్నాయా అని తనిఖీలు నిర్వహించారు. ఎటువంటి వ్యత్యాసాలు లేకపోవడం తో వాహనాలను తనిఖీల అనంతరం పంపిస్తున్నారు. ఈ సందర్భంగా ఎస్సై నాగార్జున మాట్లాడుతూ జిల్లా ఉన్నతాధికారుల ఆదేశాల మేరకు ఈ తనిఖీలు నిర్వహిస్తున్నమన్నారు. ఎవరైనా ప్రభుత్వ ఇసుక రీచ్ ల నుంచి అక్రమంగా ఇసుక రవాణా చేస్తే కఠిన చర్యలు తప్పవని హెచ్చరించారు.ఇసుక అక్రమ రవాణాను అరికట్టేందుకు చర్యలు చేపట్టామని, ఇసుక రీచ్ ల నుంచి వస్తున్న వాహనాలను, వాటి రసీదులను, తూకాలను తనిఖీలు చేస్తున్నట్లు చెప్పారు. ఎవరూ కూడా నిబంధనలకు విరుద్ధంగా ఇసుకను అక్రమంగా రవాణా చేయవద్దని సూచించారు. ఇసుక రీచ్ ల నుంచి వాహనాల ద్వారా స్టాక్‌ పాయింట్లకు తరలిస్తున్న ఇసుక తూకాల్లో తేడాలు వస్తే చట్టపరమైన చర్యలు తీసుకుంటామని హెచ్చరించారు.
|
|