మీ ఫోన్‌లో ఈ యాప్ ఉందా..? ఉంటే పోలీస్ రక్షణ ఉన్నట్టే...

రోడ్డుపై నడుస్తుంటే ఎవరైనా వెంబడిస్తున్నారా..? బస్టాప్‌లో కామెంట్ చేస్తున్నారా..? ఆటోలో వెళ్తుంటే.. ఎవరైనా మిస్‌ బీహేవ్ చేస్తున్నారా..? బస్సులో ఎవరైనా ఇబ్బంది పెడుతున్నారా..? ఇలాంటి సమయాల్లో ఇక భయపడకండి. మీ స్మార్ట్ ఫోన్ తీసి జస్ట్ ఒక షేక్ చేస్తే వెంటనే పోలీసులు మీ ముందు ఉంటారు. ఈ అవకాశాన్ని ఏపీ గవర్న‌మెంట్ మహిళలకు అందించింది.దిశ చట్టాన్ని తీసుకొచ్చిన వైసీపీ గవర్నమెంట్ దిశ యాప్‌ను అందుబాటులోకి తెచ్చింది. ఆపదలో ఉన్న మహిళలను రక్షించడమే దీని ప్రధాన ఉద్దేశం. స్మార్ట్ ఫోన్‌లో ఈ యాప్ డౌన్‌లోడ్ చేసుకుని కష్టకాలంలో షేక్ చేస్తే చాలు దిశా కంట్రోల్ రూమ్‌కు హెచ్చరిక వెళ్తుంది. జీపీఎస్ ద్వారా పోలీసులకు అక్కడకు వెళ్లి బాధితురాలిని రక్షిస్తారు.ప్లే స్టోర్‌ నుంచి దిశ యాప్‌ను డౌన్‌లోడ్ చేసుకోవాలి. అందులో మీ మొబైల్ నెంబర్‌ను ఎంటర్ చేయాలి. వెంటనే మొబైల్ నెంబర్‌కు కోడ్ వస్తుంది. ఆ కోడ్‌ను ఎంటర్ చేయాలి. తర్వాత అందులో మీ పేరు, ఆల్టర్‌నేట్ ఫోన్ నెంబర్‌ను మీ అడ్రస్‌ను పొందుపరచాలి. దీంతో రిజిస్ట్రేషన్ పూర్తి అయిపోతుంది. ఎప్పుడైనా ఆపదలో ఉన్నప్పుడు ఈ యాప్‌ను ఓపెన్ చేసి SOS బటన్ నొక్కితే ఫోన్‌ నెంబర్, చిరునామా, మీరున్న ప్రదేశం వివరాలు దిశ కంట్రోల్‌ రూమ్‌కు చేరతాయి. ఒకవేళ SOS బటన్‌ను క్లిక్ చేసే సమయం లేనప్పుడు చేతిలోని ఫోన్‌ను అటూ ఇటూ ఐదుసార్లు ఊపితే చాలు పోలీసులకు సమాచారం వెళ్లిపోతుంది.ఈ యాప్‌లో SOS బటన్‌ను నొక్కితే వాయిస్‌తో పాటు పది సెకన్ల వీడియోను కూడా రికార్డు చేసి కమాండ్‌ రూమ్‌కు పంపించే వీలు ఉంది. ఈ బటన్ నొక్కగానే కంట్రోల్ రూమ్‌కు సమాచారం వెళ్తుంది. అక్కడి నుంచి వెంటనే సమీపంలోని పోలీస్ స్టేషన్‌కు, పోలీస్ రక్షక్ వాహనాలకు ఆటోమేటిక్‌గా కాల్ వెళ్తుంది. జీపీఎస్‌ అమర్చిన పోలీస్‌ రక్షక్‌ వాహనాలు బాధితుల దగ్గరకు చేరుకుంటాయి.అలాగే ఆపదలో ఉన్నప్పుడు సమాచారాన్ని పోలీసులతోపాటు తక్షణం కుటుంబ సభ్యులు, స్నేహితులకు పంపేలా ఐదు ఫోన్‌ నెంబర్లను యాప్‌లో నమోదు చేసుకోవచ్చు. అలాగే ఎక్కడికైనా ప్రయాణం చేయాల్సి వచ్చినప్పుడు ఈ యాప్‌లో ట్రాక్ మై ట్రావెల్ ఆప్షన్‌ యూజ్ చేసుకోవచ్చు. ఈ ఆప్షన్‌తో వెళ్లాల్సిన ప్రాంతాన్ని నమోదు చేసుకోవచ్చు. ఇలా చేయడం ద్వారా ప్రయాణిస్తున్న వాహనం వెళ్లాల్సిన ప్రాంతానికి కాకుండా దారి మళ్లితే ఆ సమాచారం కంట్రోల్‌ రూమ్‌కు వెళ్తుంది.దిశ యాప్‌లో ఉన్న వీడియో రికార్డ్ ఆప్షన్ ద్వారా రికార్డ్ అయిన వీడియోలు తర్వాత సాక్ష్యాలుగా కూడా ఉపయోగపడతాయి. యాప్‌లో పోలీసు అధికారుల ఫోన్‌ నెంబర్లు సమీపంలోని పోలీస్‌స్టేషన్‌ వివరాలు తెలుసుకునేందుకు ఆప్షన్లు ఉంటాయి. వైద్య సేవలు అవసరమైనప్పుడు యాప్‌ ద్వారా దగ్గర్లోని ఆస్పత్రులు, బ్లడ్‌ బ్యాంకులు, ఫార్మసీల వివరాలను కూడా తెలుసుకోవచ్చు.చాలామంది అమ్మాయిలకు ఈ యాప్ గురించి తెలియదు. ఏపీ గవర్నమెంట్ తెచ్చిన ఈ యాప్‌కు సంబంధించిన వివరాలను అందరికీ షేర్ చేయండి. వీటి మీద అవగాహన పెరిగితే మన ఫ్రెండ్స్, అక్కలు, చెల్లెళ్లు అందరూ సేఫ్‌గా ఉంటారు. మీ చుట్టూ ఉన్న మహిళలను రక్షించండి.