క్రెడిట్ స్కోరు తక్కువున్నా..లోన్ తీసుకోండిలా

బ్యాంకులు క్రెడిట్ కార్డు లేదా లోన్లు ఇవ్వడానికి మీ క్రెడిట్ హిస్టరీని చెక్ చేస్తాయి. మీ క్రెడిట్ స్కోర్ ఎంత ఉందో చూస్తాయి. మీ క్రెడిట్ స్కోర్ బాగుంటే లోన్ ప్రాసెస్ ఈజీగా అవుతుంది. దీంతో తక్కువ వడ్డీకే లోన్లు తీసుకోవచ్చు. ఒకవేళ మీ క్రెడిట్ స్కోర్ తక్కువ ఉంటే లోన్ వచ్చే అవకాశం తగ్గిపోతుంది. సిబిల్ స్కోర్ తక్కువ ఉన్నా లోన్లు తీసుకోవచ్చు. ఇందుకోసం మీ ప్రయత్నం తప్పనిసరిగా ఉండాలి. సాధారణంగా సిబిల్ స్కోర్ 300 నుంచి 900 పాయింట్లు మధ్య ఉంటుంది. 750 పైన సిబిల్ స్కోర్ ఉంటే మీకు మంచి క్రెడిట్ స్కోర్ ఉన్నట్టే. అంతకన్నా తక్కువ ఉంటే మీ క్రెడిట్ స్కోర్ ఎందుకు తగ్గిందో ఓసారి చెక్ చేసుకోవాలి. మీరు గడువు లోగా బిల్లులు, ఈఎంఐలు, లోన్లు క్లియర్ చేయడంపైనే మీ క్రెడిట్ స్కోర్ ఆధార పడి ఉంటుంది. అందుకే మీ పెండింగ్ బిల్స్, ఈఎంఐలు ఏవైనా ఉంటే గడువులోగా చెల్లించాలి.మీ క్రెడిట్ స్కోర్ తక్కువ ఉందని మీ లోన్ అప్లికేషన్ రిజెక్ట్ చేస్తే, మీకు ఆదాయం వచ్చే మార్గాల గురించి, మీరు లోన్ చెల్లించే సామర్థ్యం గురించి బ్యాంకుకు వివరించాలి. మీ దగ్గరున్న ప్రూఫ్స్ చూపించాలి. అంటే మీ జీతం, ఇతర ఆదాయాలు, వార్షిక బోనస్‌లు ఎంత వస్తాయో స్టేట్‌మెంట్‌లో చూపించాలి. బ్యాంకులో మీ లోన్ అప్లికేషన్ రిజెక్ట్ అయితే నాన్ బ్యాంకింగ్ ఫైనాన్స్ కంపెనీ-NBFC దగ్గర రుణాలకు దరఖాస్తు చేయాలి. బ్యాంకుల కన్నా ఎన్‌బీఎఫ్‌సీ నియమనిబంధనలు కాస్త సడలింపులు ఉంటాయి. కాకపోతే వడ్డీ రేట్లు కాస్త ఎక్కువగా ఉంటాయి. ఇక మీరు ఎక్కువ లోన్‌కు దరఖాస్తు చేసుకుంటే రుణం మంజూరు కాకపోతే తక్కు మొత్తంలో లోన్ తీసుకోవాలి. ఆ లోన్ ఈఎంఐలు గడువు తేదీల్లోగా చెల్లించడం ద్వారా మీ క్రెడిట్ స్కోర్ పెరుగుతుంది.క్రెడిట్ స్కోర్ తక్కువ ఉన్నందుకు మీ లోన్ అప్లికేషన్ రిజెక్ట్ అయితే ఎవరి సాయంతో అయినా జాయింట్ లోన్ తీసుకోవచ్చు. అయితే మంచి క్రెడిట్ హిస్టరీ, సిబిల్ స్కోర్ ఉన్న వ్యక్తినే గ్యారెంటర్‌గా ఎంచుకోవాలి. మీకు పర్సనల్ లోన్ రాకపోతే సెక్యూర్డ్ లోన్‌కు అప్లై చేయాలి. అంటే ప్రాపర్టీ, ఇతర విలువైన వస్తువులతో కొలెటరాల్ లోన్ తీసుకోవచ్చు. ఇలాంటి రుణాలు పర్సనల్ లోన్ల కన్నా సులువుగా వస్తాయి. ఓసారి మీ క్రెడిట్ రిపోర్ట్ చెక్ చేసుకోవాలి. మీ ప్రమేయం లేకుండా ఏవైనా తప్పులు జరిగినట్టైతే ఫిర్యాదు చేసి తప్పుల్ని సరిదిద్దుకోవచ్చు. అందుకే ప్రతీ ఆరు నెలలకోసారి క్రెడిట్ రిపోర్ట్ చెక్ చేయడం మంచిది.