మీ ఖాతాలోకి ఆ డబ్బులు రాలేదా?.. ఇలా చేయండి!

ప్రధాన మంత్రి కిసాన్ సమ్మాన్ నిధి-పీఎం కిసాన్ స్కీమ్ లబ్ధిదారులకు ప్రభుత్వం ఏటా రూ.6000 బదిలీ చేస్తున్న సంగతి తెలిసిందే. మూడ విడతల్లో ఈ డబ్బులు బదిలీ అవుతాయి. ఈ స్కీమ్ 6వ విడత డబ్బుల్ని 8.5 కోట్ల మంది రైతులకు రూ.17,000 కోట్లను కేంద్రం బదిలీ చేస్తోంది. ఆధార్ వెరిఫైడ్ బ్యాంక్ ఖాతాల్లో ఈ డబ్బులు జమ అవుతాయి. ఇదిలా ఉంటే ప్రతీ సారి పీఎం కిసాన్ డబ్బులు ట్రాన్స్‌ఫర్ చేసినప్పుడు కొంతమంది రైతుల ఖాతాల్లోకి డబ్బులు జమ కావడం లేదు. వివరాలు సరిగా లేకపోవడం, ఇచ్చిన వివరాల్లోనూ తప్పులు ఉండడం కారణంగా నగదు బదిలీ కావడం లేదని తెలుస్తోంది.గతంలో ఈ చిన్న తప్పుల కారణంగా 70 లక్షల మంది రైతుల ఖాతాల్లోకి డబ్బులు జమ కాలేదని తెలుస్తోంది.అయితే ఆ రైతులు చేసిన తప్పు ఏంటని పరిశీలిస్తే పేరు రాయడంతో చిన్న చిన్న అక్షర దోషాలు ఉన్నట్లు తేలింది. మీ వివరాల్లోనూ ఇలాంటి తప్పులు ఉంటే నగదు జమ కాదు. మీకు పీఎం కిసాన్ డబ్బులు జమ కాకపోతే ఓసారి వివరాలు చెక్ చేసుకోండి. మీరు సమర్పించిన ధ్రువపత్రాలు, బ్యాంకు ఖాతాల్లో పేర్లు వేర్వేరుగా ఉన్నాయేమో ఒక సారి సరి చూసుకోండి. కేంద్రం ఆటోమెటిక్ వ్యవస్థ ద్వారా డబ్బులను ఒకేసారి జమ చేస్తుంది. పేర్లు మ్యాచ్ కాకపోతే నగదు బదిలీ జరగదు. డాక్యుమెంట్‌లో ఒక పేరు, బ్యాంకు అకౌంట్‌లో మరో పేరు ఉండడం కారణంగా ఇలాంటి సమస్య వస్తోంది. ఆధార్ కార్డులో, బ్యాంకు ఖాతాలో పేర్లు ఒకేలా ఉండేలా చూసుకోండి.ఒకవేళ పేర్లు తప్పుగా నమోదైతే pmkisan.gov.in/ వెబ్‌సైట్‌లో సరిచేసుకోవచ్చు. ఇందుకోసం ముందుగా పీఎం కిసాన్ స్కీమ్ అధికారిక వెబ్‌సైట్ pmkisan.gov.in/ ఓపెన్ చేయాలి. అందులో ఫార్మర్స్ కార్నర్ పైన క్లిక్ చేయాలి. ఎడిట్ ఆధార్ డీటెయిల్స్ ఆప్షన్ పైన క్లిక్ చేయండి. ఆధార్ నెంబర్, క్యాప్చా కోడ్ ఎంటర్ చేయండి. సబ్మిట్ చేసిన తర్వాత వివరాలు కనిపిస్తాయి. వివరాలు చెక్ చేసుకురి సరి చేసుకోవాలి. ఇంకా ఏమైనా తప్పులు ఉంటే స్థానిక వ్యవసాయ అధికారుల్ని సంప్రదించవ్చు. పీఎం కిసాన్ హెల్ప్ లైన్ నెంబర్: 011-24300606, 155261, 0120-6025109, పీఎం కిసాన్ టోల్ ఫ్రీ నెంబర్: 18001155266, పీఎం కిసాన్ ల్యాండ్ లైన్ నెంబర్: 011—23381092, 23382401 నంబర్లను సంప్రదించొచ్చు. pmkisan- ict@gov.in మెయిల్ ఐడీకి ఫిర్యాదు చేయవచ్చు.