రూ.1,110తో కొత్త స్కూటర్ ఇంటికి తీసుకెళ్లండి

ఆగస్ట్ 3 అందరూ రాఖీ పౌర్ణమి జరుపుకుంటారు. రక్షా బంధన్ రోజున అక్క, చెల్లికి అందిరిపోయే గిఫ్ట్ ఇవ్వాలని భావిస్తే మాత్రం.. మీకో మంచి ఆప్షన్ అందుబాటులో ఉంది. ఆంపియర్ వెహికల్స్ కంపెనీ తాజాగా లీజ్ ప్రోగ్రామ్‌ను అందుబాటులోకి తీసుకువచ్చింది. దీని కోసం ఈ సంస్థ ఓటీఓ క్యాపిటల్ కంపెనీతో జతకట్టింది. ఈ లీజ్ ప్రోగ్రామ్‌లో భాగంగా కస్టమర్లు తక్కువ ధరకే ఎలక్ట్రిక్ స్కూటర్‌ను ఇంటికి తీసుకెళ్లొచ్చు. స్టాండర్ట్ ఈఎంఐ కన్నా తక్కువకే స్కూటర్ లభిస్తుంది. లీజ్ ప్రోగ్రామ్‌లో భాగంగా ఎలక్ట్రిక్ స్కూటర్ తీసుకోవాలని భావిస్తే.. నెలకు కేవలం రూ.1,110 చెల్లిస్తే సరిపోతుంది. ఆంపియర్ ఎలక్ట్రిక్ స్కూటర్ లీజింగ్ ప్రోగ్రామ్ ఆగస్ట్ నుంచి ప్రారంభమైంది. ప్రస్తుతం ఈ ఫెసిలిటీ కేవలం బెంగూళూరులో మాత్రమే అందుబాటులో ఉంది. ఈ ఏడాది చివరి కల్లా ఈ ప్రోగ్రామ్‌ను హైదరాబాద్, పూణే, ఢిల్లీ, చెన్నై, కొచ్చిన్ వంటి ప్రాంతాల్లో కూడా అందుబాటులోకి తీసుకువస్తామని కంపెనీ తెలిపింది.ఆంపియర్ వీ48 ఎలక్ట్రిక్ స్కూటర్ ధర రూ.34,249గా ఉంది. దీని ఈఎంఐ రూ.1610. అదే మీరు ఈ స్కూటర్‌ను లీజ్ ప్రోగ్రామ్‌లో భాగంగా తీసుకుంటే అప్పుడు నెలకు రూ.1,110 చెల్లిస్తే సరిపోతుంది. అలాగే జీల్ మోడల్‌‌‌‌పై ఈఎంఐ 3020గా ఉంది. దీన్ని లీజ్ ప్రోగ్రామ్‌లో భాగంగా తీసుకుంటే నెలకు రూ.2220 చెల్లించాలి. ఈ స్కూటర్ ఒక్కసారి చార్జ్ చేస్తే 75 కిలోమీటర్లు వెళ్తుంది. మీరు ఇప్పుడే ఎలక్ట్రిక్ స్కూటర్‌ను బుక్ చేసుకోవాలని భావిస్తే ఓటీఓ క్యాపిటల్ వెబ్‌సైట్‌కు వెళ్లి నచ్చిన ఆంపియర్ ఎలక్ట్రిక్ స్కూటర్‌ను బుక్ చేసుకోవచ్చు. డీలర్‌షిప్ ద్వారా కూడా స్కూటర్‌ను బుకింగ్ చేసుకునే వెసులుబాటు ఉంది. ఎలక్ట్రిక్ స్కూటర్‌ను హోమ్ డెలివరీ కూడా పొందొచ్చు. ఇకపోతే లీజ్ టెన్యూర్ ముగిసిన తర్వాత స్కూటర్‌ను మళ్లీ ఓటీఓ సంస్థకు అప్పగించాలి.