నంద్యాల వద్దు.. కర్నూలు ముద్దు
Andhra Pradesh Telugu | Suryaa Desk | Published : Mon, Jul 27, 2020, 06:04 PM
కొత్త జిల్లాల ఏర్పాటు ఆలోచన నేపధ్యంలో కల్లూరు మండలం కర్నూలు జిల్లాలో కలపాలని కల్లూరు పరిరక్షణ సమితి కోరింది. ఈ మేరకు మన రాష్ట్రంలో పరిపాలన సౌలభ్యం పేరుతో కొత్త జిల్లాల ఏర్పాటు పార్ల మెంటు నియోజకవర్గాల ప్రాతిపదికగా ఏర్పాటు చేస్తారని వార్తలు వస్తున్నాయి. ఇంతవరకు నంద్యాల పార్లమెంటరీ నియోజకవర్గంలో ఉన్నందున ఎలాంటి అభివృద్ధి జరుగలేదు.ఈ మేరకు కర్నూలు అర్బన్ ప్రాంతంగా ఉండి నంద్యాల పార్లమెంటరీ నియోజకవర్గంలో ఉన్నందున ఏ ఒక్క ఎంపీ పట్టించుకున్న పాపాన పోలేదని ఆవేదన వ్యక్తం చేశారు. మనం కర్నూలు మహానగరంలో ఉండి, నంద్యాల జిల్లాకు మన ప్రాంతాన్ని (మండలం) కలిపితే మనకు మన భావితరాల వారు ఎన్నో ఇబ్బందులకు గురికావలసి వస్తుందన్నారు. కల్లూరు ప్రాంతంలో ఉన్న ప్రజలను సంఘటిత పరచి, కార్యాచరణలో మనమందరం భాగస్వాములు కావాలని పిలుపునిచ్చారు.అనంతరం కల్లూరు పరిరక్షణ సమితి సభ్యులు చెన్నయ్య, సూర్య దినపత్రిక కర్నూలు జిల్లా చీఫ్ బ్యూరో వెంకట సుబ్బయ్య, బిజెపి నేతలు జి.యస్ నాగరాజు, చింతపల్లి రామకృష్ణ, ఆక్కెం విశ్వనాథ్, చంద్రశేఖరప్ప, ఫస్ట్ స్టెప్ రాజశేఖర్, మద్దిలేటి, పవన్ కుమార్, నవీన్ కుమార్, మహేష్, శేషు, మీసాల శివరాం, మల్లిఖార్జున, బాషా తదితరులు పాల్గొన్నారు.
|
|