ట్రెండింగ్
త్వరలో వైసీపీలోకి మాజీ మంత్రి?
Andhra Pradesh Telugu | Suryaa Desk | Published : Fri, Jul 24, 2020, 11:46 AM
మాజీ మంత్రి,టీడీపీ ఎమ్మెల్యే గంటా శ్రీనివాసరావు పార్టీ మారుతారన్న వార్తలు మళ్లీ జోరందుకున్నాయి. ఆగష్టు 15న గంటా వైసీపీలో చేరుతారని జోరుగా చర్చ జరుగుతుంది. సీఎం జగన్ సన్నిహితులతో గంటా విషయాన్ని తెలిపారని,గంటా చేరికకు జగన్ కూడా గ్రీన్ సిగ్నల్ ఇచ్చారని సమాచారం. విశాఖ జిల్లా బాధ్యతలు చూసుకుంటున్న ఎంపీ విజయసాయిరెడ్డి, మంత్రి అవంతికి తెలియకుండానే గంటా పార్టీలో చేరేందుకు పావులు కదిపారని తెలుస్తోంది. గతంలోనే గంటా బీజేపీలో లేదా వైసీపీలో చేరుతారన్న వార్తలు గుప్పుమన్నాయి. కానీ ఆయన అప్పుడు స్పందించలేదు. ఈ సారి మాత్రం గంటా వైసీపీలో చేరడం ఖాయమని వైసీపీ వర్గాలే చర్చించుకుంటున్నాయి.
|
|