ట్రెండింగ్
ఏపీ మహిళలకు శుభవార్త
Andhra Pradesh Telugu | Suryaa Desk | Published : Fri, Jul 24, 2020, 11:42 AM
సీఎం జగన్ మహిళలకు శుభవార్త చెప్పారు. ఇక పై మహిళలు ప్రసవం కాగానే ఆరోగ్యఆసరా పథకం కింద రూ.5వేల చొప్పున సాయం అందేలా చూడాలని అధికారులను ఆదేశించారు. గురువారం సీఎం క్యాంపు కార్యాలయంలో అధికారులతో జగన్ సమీక్షించారు. పాఠశాలల్లోలాగానే అంగన్వాడీ కేంద్రాల్లో నాడు నేడు కింద 10 మౌళిక సదుపాయాలు కల్పించాలని సీఎం జగన్ నిర్ణయించారు. అంగ‌న్‌వాడీల‌ను సమర్థవంతంగా నిర్వహిస్తున్న వారిని ప్రోత్సహించాల‌న్నారు. గ‌ర్భ‌వ‌తులు, బాలింత‌లు సహా 36 నెల‌లోపున్న శిశువుల‌ను ఒకలా.. 36 నుంచి 72నెల‌ల వ‌ర‌కున్న చిన్నారులను మ‌రోలా చూడాల్సి ఉంటుంద‌ని అన్నారు. వైఎస్సార్ సంపూర్ణ పోషణ అమలు తీరుపై క్షేత్ర‌స్థాయిలో ప‌ర్య‌వేక్షించాల‌ని అధికారులను ఆదేశించారు. అంగన్వాడీలలో నాణ్యమైన ఆహారం అందాలన్నారు.
|
|