811 కస్టమర్లకు కోటక్ మహీంద్రా గుడ్ న్యూస్... ఉచితంగా క్రెడిట్ కార్డు
Andhra Pradesh Telugu | Suryaa Desk | Published : Sun, Jul 19, 2020, 05:07 PM
రోజురోజుకీ క్రెడిట్ కార్డుల వినియోగం పెరుగుతూ వస్తోంది. క్రెడిట్ కార్డుల వల్ల కలిగే ప్రయోజనాలు ఇందుకు ప్రధాన కారణంగా చెప్పుకోవచ్చు. డిస్కౌంట్లు, క్యాష్‌బ్యాక్, రివార్డు పాయింట్లు, ఇన్‌స్టంట్ క్రెడిట్ ఇలా ఎన్నో రకాల బెనిఫిట్స్ పొందొచ్చు. క్రెడిట్ కార్డుల్లో ఎన్నో రకాలు ఉన్నాయి. మీ అవసరాలకు అనుగుణమైన కార్డును ఎంపిక చేసుకోవడం చాలా ముఖ్యం. క్రెడిట్ కార్డులపై వార్షిక ఫీజు ఉంటుంది. కొన్ని కార్డులకు ఈ ఫీజు ఉండదు.కోటక్ మహీంద్రా బ్యాంక్ కొత్త క్రెడిట్ కార్డును తీసుకువచ్చింది. దీని పేరు 811 డ్రీమ్ డిఫరెంట్ క్రెడిట్ కార్డు. కోటక్ 811 కస్టమర్లు వెంటనే 811 డ్రీమ్ డిఫరెంట్ క్రెడిట్ కార్డు కోసం అప్లై చేసుకోవచ్చు. కోటక్ మొబైల్ బ్యాంకింగ్ యాప్ ద్వారా క్రెడిట్ కార్డు కోసం అప్లై చేసుకోవచ్చు. కొత్త కస్టమర్లు కూడా ఈ కార్డును పొందొచ్చు. అయితే దీని కోసం ముందు 811 సేవింగ్స్ అకౌంట్‌ను తెరవాలి. తర్వాత కార్డు కోసం అప్లై చేసుకోవాలి.అయితే ఇక్కడ కస్టమర్లు రూ.15,000 ఫిక్స్‌డ్ డిపాజిట్ చేయాలి. అప్పుడు ఈ లైఫ్‌టైమ్ ఉచిత క్రెడిట్ కార్డును పొందడం సాధ్యమౌతుంది. దీనికి ఎలాంటి క్రెడిట్ హిస్టరీ అవసరం లేదు. ఇన్‌కమ్ ప్రూఫ్ కూడా చూపించాల్సిన పని లేదు. క్రెడిట్ కార్డుకు ఎలాంటి చార్జీలు ఉండవు. 48 రోజుల వరకు వడ్డీ రహిత కాలాన్ని పొందొచ్చు. అలాగే మీరు డిపాజిట్ చేసిన మొత్తంపై వడ్డీ వస్తుంది. కార్డు ద్వారా జరిపే ప్రతి రూ.100 కొనుగోలుపై 2 రివార్డు పాయింట్లను పొందొచ్చు.
|
|