బీసీఏ ప్రోగ్రాంను అందిస్తున్న బెన్నెట్ యూనివర్సిటీ

బెన్నెట్ విశ్వవిద్యాలయం 2020-21 విద్యా సంవత్సరం నుండి బీసీఏ (డేటా సైన్స్), బీసీఏ (క్లౌడ్ కంప్యూటింగ్, సైబర్ సెక్యూరిటీ) ప్రోగ్రాంలను ప్రారంభించింది. ఈ ప్రోగ్రాంలలో విద్యార్థులు వెబ్ టెక్నాలజీస్, ఆర్టిఫిషియల్ ఇంటెలిజెన్స్ తో కూడిన క్లౌడ్ కంప్యూటింగ్, సైబర్‌ సెక్యూరిటీ, డేటా సైన్స్ కు సంబంధించి మూడు సర్టిఫికేషన్స్ చేయవలసి ఉంటుంది. ప్రతి సంవత్సరం ఒక సర్టిఫికేషన్ పొందడం ద్వారా, విద్యార్థులు పరిశ్రమల నుండి అదనపు శిక్షణ వంటివి లేకుండానే, పరిశ్రమల కోసం పనిచేసేందుకు సన్నద్దులై ఉంటారని బెన్నెట్ విశ్వవిద్యాలయం ప్రకటించింది. కార్పొరేట్ సంస్థలకు అవసరమైన శిక్షణ, పనితనాన్ని అందిస్తూ, విద్యార్ధులను సన్నద్ధం చేయడమే బెన్నెట్ విశ్వవిద్యాలయం ప్రధాన లక్ష్యం.ఈ స్పెషలైజేషన్లు, నైపుణ్యాలు కేవలం ఐటీ పరిశ్రమకు మాత్రమే పరిమితం కాకుండా, డేటాతో వ్యవహరించే ఎటువంటి సంస్థలలోనైనా విద్యార్ధులు నిలదొక్కుకునేలా బీసీఏ ప్రోగ్రాం రూపొందించబడింది. భవిష్యత్తులో పరిశ్రమలు, వ్యాపారాలలో డేటా సైన్స్ నిపుణుల అవసరం ఎక్కువగా ఉన్న కారణంగా, అన్ని విభాగాల్లోనూ విద్యార్ధులు రాణించేలా ఈ ప్రోగ్రాం సహాయపడనుంది.కంప్యూటర్ సైన్స్ అండ్ ఇంజనీరింగ్ విభాగంలో ప్రపంచ స్థాయి అధ్యాపకులకు ప్రసిద్ది చెందిన బెన్నెట్ విశ్వవిద్యాలయం, విద్యార్థుల కలల ఉద్యోగాలకు అవకాశం కల్పిస్తుంది. అంతేకాకుండా బెన్నెట్ విశ్వవిద్యాలయం సెంటర్ ఆఫ్ ఎక్సలెన్స్ ఇన్ ఆర్టిఫిషియల్ ఇంటెలిజెన్స్, డేటా సైన్స్, రోబోటిక్స్ అండ్ ఆటోమేషన్, సైబర్‌సెక్యూరిటీని కూడా ప్రవేశపెట్టింది. వీటిలో కస్టమైజ్డ్ శిక్షణా తరగతులు, వర్క్‌షాప్‌లు, హ్యాక్‌థాన్‌లు, కాంపిటీషన్లు , స్టూడెంట్ క్లబ్‌లు, సీఎక్స్ఓ సిరీస్‌లు వ్యక్తిగతంగా వారి కెరీర్‌లో వృద్ధి చెందడానికి తోడ్పాటునందిస్తాయి.