ఉచితంగా క్రెడిట్ కార్డు పొందండిలా

క్రెడిట్ కార్డుల వినియోగం పెరుగుతూనే వస్తోంది. క్రెడిట్ కార్డుల వల్ల కలిగే ప్రయోజనాలు ఇందుకు ప్రధాన కారణంగా చెప్పుకోవచ్చు. క్రెడిట్ కార్డు వల్ల ఎన్నో ప్రయోజనాలు పొందొచ్చు. డిస్కౌంట్లు, క్యాష్‌బ్యాక్, రివార్డు పాయింట్లు, ఇన్‌స్టంట్ క్రెడిట్ ఇలా ఎన్నో రకాల బెనిఫిట్లు పొందొచ్చు. అయితే క్రెడిట్ కార్డు తీసుకునే ముందు పలు అంశాలు గుర్తించుకోవాలి. క్రెడిట్ కార్డుల్లో ఎన్నో రకాలు ఉన్నాయి. మీ అవసరాలకు అనుగుణమైన కార్డును ఎంపిక చేసుకోవడం చాలా ముఖ్యం. క్రెడిట్ కార్డులపై వార్షిక ఫీజు ఉంటుంది. కొన్ని కార్డులకు ఈ ఫీజు ఉండదు. అందువల్ల ఉచితంగానే క్రెడిట్ కార్డు పొందటానికి ప్రయత్నించాలి.కోటక్ మహీంద్రా బ్యాంక్ కొత్త క్రెడిట్ కార్డును తీసుకువచ్చింది. దీని పేరు 811 డ్రీమ్ డిఫరెంట్ క్రెడిట్ కార్డు. ఈ కార్డు కోటక్ 811 కస్టమర్ల కోసం ప్రత్యేకంగా రూపొందింది. ఎలాంటి డాక్యుమెంట్లు సమర్పించాల్సిన అవసరం లేదు. ఆన్‌లైన్‌లోనే ఈ కార్డు మీ వద్దకు వచ్చేస్తుంది. కోటక్ 811 కస్టమర్లు వెంటనే 811 డ్రీమ్ డిఫరెంట్ క్రెడిట్ కార్డు కోసం అప్లై చేసుకోవచ్చు. కోటక్ మొబైల్ బ్యాంకింగ్ యాప్ ద్వారా క్రెడిట్ కార్డు కోసం అప్లై చేసుకోవచ్చు. కొత్త కస్టమర్లు కూడా ఈ కార్డును పొందొచ్చు. అయితే దీని కోసం ముందు 811 సేవింగ్ అకౌంట్‌ను తెరవాలి. తర్వాత కార్డు కోసం అప్లై చేసుకోవాలి.అయితే ఇక్కడ కస్టమర్లు రూ.15,000 ఫిక్స్‌డ్ డిపాజిట్ చేయాలి. అప్పుడు ఈ లైఫ్‌టైమ్ ఉచిత క్రెడిట్ కార్డును పొందడం సాధ్యమౌతుంది. దీనికి ఎలాంటి క్రెడిట్ హిస్టరీ అవసరం లేదు. ఇన్‌కమ్ ప్రూఫ్ కూడా చూపించాల్సిన పని లేదు. కార్డు కోసం అప్లై చేసుకోవచ్చు. క్రెడిట్ కార్డుకు ఎలాంటి చార్జీలు ఉండవు. అంటే జాయినింగ్ ఫీజు, యానువల్ ఫీజు వసూలు చేయరు. 48 రోజుల వరకు వడ్డీ రహిత కాలాన్ని పొందొచ్చు.