షాపింగ్ చేసేందుకు రూ.60,000 అప్పు ఇస్తోన్న అమెజాన్
Andhra Pradesh Telugu | Suryaa Desk | Published : Sun, Jul 19, 2020, 04:41 PM
ఇ-కామర్సు దిగ్గజం అమెజాన్ భారతదేశంలో 'అమెజాన్ పే లేటర్' క్రెడిట్ సర్వీస్‌ని ప్రారంభించిన సంగతి తెలిసిందే. ఈ సర్వీస్ ద్వారా కస్టమర్లకు వడ్డీ లేకుండా అప్పు ఇస్తోంది. అమెజాన్ ఇండియాలో కొన్ని ప్రొడక్టులకు మాత్రమే ఇది వర్తిస్తుంది. డబ్బులు లేకపోయినా 'అమెజాన్ పే లేటర్' ద్వారా వస్తువులు కొని గడువులోగా వడ్డీ లేకుండా చెల్లించొచ్చు. లేదా 12 నెలల వరకు ఈఎంఐ ద్వారా చెల్లించొచ్చు. ఈఎంఐ ఆప్షన్ ఎంచుకుంటే 1.5 నుంచి 2 శాతం వరకు వడ్డీ చెల్లించాల్సి ఉంటుంది.డబ్బులు లేకపోయినా అమెజాన్ యాప్ ద్వారా మొబైల్ రీఛార్జ్, డీటీహెచ్ బిల్స్, ఎలక్ట్రిసిటీ బిల్స్ చెల్లించొచ్చు. నిత్యావసర వస్తువులు, హోమ్ అప్లయెన్సెస్, ఎలక్ట్రానిక్ ప్రొడక్ట్స్ కూడా కొనొచ్చు. అమెజాన్ పే లేటర్ సర్వీస్ కోసం క్యాపిటల్ ఫ్లోట్, కరూర్ వైశ్య బ్యాంకుతో ఒప్పందం కుదుర్చుకుంది. మీరు కూడా అమెజాన్ పే లేటర్ సర్వీస్ ఉపయోగించుకోవాలంటే అమెజాన్ ఇండియా యాప్‌లో రిజిస్టర్ చేసుకోవాల్సి ఉంటుంది. ప్రస్తుతం అమెజాన్ పే లేటర్ సర్వీస్ కేవలం యాప్‌లోనే ఉంది.మీ ఆధార్ కార్డ్ నెంబర్, పాన్ నెంబర్, ఇతర వివరాలతో కేవైసీ పూర్తి చేసి రిజిస్టర్ చేసుకోవాలి. అమెజాన్ పే లేటర్ సర్వీస్ ప్రయోగాత్మకంగా ప్రారంభమైంది కాబట్టి కొంతమంది కస్టమర్లకు మాత్రమే అందుబాటులో ఉంది. కస్టమర్ల క్రెడిట్ ఎలిజిబిలిటీని బట్టి రూ.60,000 వరకు అప్పు ఇవ్వాలని నిర్ణయించింది అమెజాన్. ఈ లిమిట్ రిజర్వు బ్యాంక్ ఆఫ్ ఇండియా-RBI గైడ్‌లైన్సు ప్రకారం ఉంటుంది.
|
|