అతని నాలిక రేటు రూ.92 కోట్లు
Andhra Pradesh Telugu | Suryaa Desk | Published : Sun, Jul 19, 2020, 04:38 PM
చాలా మంది సెలబ్రిటీలు తమ శరీరంలోని అవయవాలకు ఇన్సూరెన్సు చేయించుకుంటూ ఉంటారు. జెన్నారో పెల్లీక్కియా కూడా తన నాలికకు 2009లో ఇన్సూరెన్సు చేయించుకున్నాడు. అతని నాలిక విలువను రూ.92 కోట్లుగా అతను పనిచేస్తున్న కంపెనీ డిసైడ్ చేసింది. అంత రేటు ఎందుకంటే అతను తన నాలికతో ప్రపంచంలోని బెస్ట్ కాఫీ బ్రాండ్లలో ఒకటైన కోస్టా కాఫీని టేస్ట్ చూస్తూ ఉంటాడు. బెస్ట్ కాఫీ ఎలా తయారుచెయ్యాలో, ప్రతీ కప్పూ ఒకే రకమైన టేస్ట్ ఎలా ఉండాలో అతనికి బాగా తెలుసు. అతను మాత్రమే ఆ పనిని బాగా చెయ్యగలుగుతుండటం విశేషం.లండన్‌లోని లాంబెర్త్ రోస్టరీలో పనిచేస్తున్నాడు జెన్నారో. అక్కడకు ప్రపంచంలోని హైక్లాస్ సెలబ్రిటీలు వస్తుంటారు. వాళ్లకు కోస్టా కాఫీని వంద శాతం పర్ ఫెక్టుగా తయారుచేసి ఇవ్వడం జెన్నారో పని. ఈ విషయంలో ఏమాత్రం తేడా వచ్చినా రోస్టరీకి చెడ్డపేరు వస్తుంది. అందుకే జెన్నారో తన నాలికను అత్యంత జాగ్రత్తగా కాపాడుకుంటూ ఉంటాడు. అది రోస్టరీకి అత్యంత ముఖ్యమైనది కావడంతో దాని కోసం ప్రత్యేకంగా 10 లక్షల పౌండ్లను ఇన్సూరెన్స్ ప్రీమియంగా చెల్లించింది రోస్టరీ.జెన్నారో తన ప్రత్యేకతతో ప్రపంచవ్యాప్తంగా గుర్తింపు పొందాడు. అరబ్ దేశాలు, థాయ్‌ల్యాండ్, సింగపూర్, చైనాల్లో తన టాలెంట్‌పై ప్రదర్శనలు ఇచ్చాడు. చాలా దేశాల్లో కాఫీ తయారీదారులకు క్లాసులు చెప్పాడు. ఎందుకంటే ప్రపంచంలో ఏయే దేశాల్లో ఏయే కాఫీ గింజలు పండుతాయో అతనికి బాగా తెలుసు. ఏయే గింజల్ని రోస్ట్ చేస్తే, తయారయ్యే కాఫీ ఎలా ఉంటుందో కూడా అతనికి తెలుసు. అందుకే అతను ఫేమస్ అయ్యాడు.
|
|