స్టూడెంట్‌‌పై నాలుగేళ్లుగా టీచర్ అత్యాచారం
Andhra Pradesh Telugu | Suryaa Desk | Published : Thu, Jul 16, 2020, 06:38 PM
విద్యాబుద్ధులు నేర్పాల్సిన టీచర్ కీచకుడిగా మారాడు. తరగతులు అయిపోయాక బాలికపై బాత్రూమ్‌లోనే దారుణానికి ఒడిగట్టాడు. ఎవరికైనా చెబితే తను మంచిది కాదని అందరికీ చెబుతానని భయపెట్టి నాలుగేళ్లు నరకం చూపించాడు. పలుమార్లు అత్యాచారం చేశాడు. ఈ అమానుష ఘటన గుజరాత్‌లోని కచ్ జిల్లాలో చోటుచేసుకుంది. టిఒఐ కథనం మేరకు..కచ్ జిల్లాలోని నఖత్రానా ఏరియాకి చెందిన యువతి నాలుగేళ్ల కిందట 2015లో స్థానిక మదర్సాలో చదువుకునేది. ఆమెపై కన్నేసిన మదర్సా టీచర్ షంషుద్దీన్ అలీ సులేమాన్ దారుణానికి పాల్పడ్డాడు. ఎక్కడ పరువు పోతుందోనని భయపడిన బాలిక నోరువిప్పలేదు. ఇటీవల ఆమెకు వివాహం జరిగింది. భార్యపై అత్యాచారం జరిగిన విషయం భర్తకి తెలిసిపోయింది. పెద్దమనసుతో అర్థం చేసుకున్న ఆమె భర్త ధైర్యం చెప్పి బాధితురాలితో కలసి పోలీసులను ఆశ్రయించాడు. దీంతో టీచర్ మౌలానాపై కేసు నమోదైంది. పోలీసులు నిందితుడిని అరెస్టు చేసి జైలుకి తరలించారు.
|
|