రిలయన్స్ నుంచి జియో 3డీ గ్లాసెస్.. అదిరిపోయే ఫీచర్లు!
Andhra Pradesh Telugu | Suryaa Desk | Published : Thu, Jul 16, 2020, 06:33 PM
రిలయన్స్ తాజాగా సరికొత్త గ్లాసెస్‌ను మార్కెట్‌లోకి తీసుకువస్తున్నట్లు ప్రకటించింది. వీటిల్లో 3డీ అవతార్స్, హోలోగ్రాఫిక్ కంటెంట్, వీడియో కాన్ఫరెన్స్, కాల్స్ వంటి ఫీచర్లు ఉన్నాయి. జియో గ్లాసెస్ బరువు కేవలం 75 గ్రాములు. అలాగే ఇది పర్సనలైజ్డ్ ఆడియో ఫీచర్‌తో కస్టమర్లకు చేరువ కానుంది. అంటే మీరు ఏమైనా చెబితే ఈ గ్లాసెస్ వింటాయి. జియో గ్లాసెస్ ప్రస్తుతం 25 రకాల యాప్స్‌ను సపోర్ట్ చేస్తుంది. హోలో గ్రాఫిక్ కంటెంట్‌తో ఎడ్యుకేషన్ సంబంధిత అవసరాలకు ఈ గ్లాసెస్‌ను బాగా ఉపయోగించుకోవచ్చు.టీచర్లు, విద్యార్థులు ప్రధాన లక్ష్యంగా రిలయన్స్ ఇండస్ట్రీస్ ఈ గ్లాసెస్‌ను తీసుకువచ్చింది. జియో గ్లాసెస్ ద్వారా 3డీ వర్చువల్ రూమ్స్, హోలోగ్రాఫిక్ క్లాసెస్ నిర్వహణ వంటివి చేయొచ్చు. అంతేకాకుండా వర్చువల్ మీటింగ్స్ కూడా నిర్వహించొచ్చు. ఇంకా ఫోన్‌తో పనిలేకుండానే ఇతరులకు కాల్ చేయొచ్చు. కేవలం ఎవరికి కాల్ చేయాలో చెబితే చాలు. వారికి కాల్ వెళ్తుంది.
|
|