ఆ రెండు పట్టణాల్లో ఏమాత్రం తగ్గని కరోనా.. జర జాగ్రత్త
Andhra Pradesh Telugu | Suryaa Desk | Published : Thu, Jul 16, 2020, 01:19 PM
కర్నూలు జిల్లాలో కరోనా వైరస్ కలకలం సృష్టిస్తోంది. బుధవారం జిల్లా వ్యాప్తంగా 403 కేసులు నమోదైన సంగతి తెలిసిందే. ఇకపోతే కర్నూలు నగరంలో కరోనా వైరస్ విశ్వరూపం చూపిస్తోంది. బుధవారం ఒక్కరోజే 120 మందికి వైరస్ సోకడం కలకలం రేపింది. కేవలం ఐదు రోజుల్లో నగరంలో 375 కేసులు నమోదయ్యాయి. తాజా కేసుల్లో బుధవారపేటలో అత్యధికంగా 23 మందికి, వన్‌టౌన్‌లో 12, బళ్లారి చౌరస్తాలో 13, సంతోష్‌ నగర్‌లో 12 ఉన్నాయి. ఎన్‌ఆర్‌ పేటలో 6, నాలుగో తరగతి ఉద్యోగుల కాలనీలో 6, శరీన్‌ నగర్‌లో 7, అశోక్‌నగర్‌లో 3, బీ క్యాంప్‌లో 3, బాలాజీ నగర్‌లో 2, స్టాంటన్‌పురంలో 2 కేసులు నమోదయ్యాయి. నగరంలో మొత్తం బాధితుల సంఖ్య 1431కి చేరింది. వీరిలో 503 మంది చికిత్స పొందుతున్నారు. 51 మంది మృతి చెందారు.కర్నూలు నగరం తర్వాత నంద్యాల డివిజన్ పరిధిలోని నంద్యాల మున్సిపాలిటీ పరిధిలో వైరస్ మరింత వ్యాపిస్తోంది. రోజురోజుకూ కేసుల సంఖ్య పెరిగిపోతుండటంతో పట్టణవాసులు భయందోళన చెందుతున్నారు. పట్టణంలో బుధవారం 33 మందికి పాజిటివ్‌ వచ్చింది. దీంతో బాధితుల సంఖ్య 623కు చేరింది. ఇందులో 361 యాక్టివ్‌ కేసులు ఉన్నాయి. 249 మంది డిశ్చార్జి అయ్యారు. 13 మంది మరణించారు.
|
|