ప్రియునికి షాకిచ్చిన ప్రియురాలు
Andhra Pradesh Telugu | Suryaa Desk | Published : Thu, Jul 16, 2020, 01:11 PM
ఓ యువకుడు యువతితో సహజీవనం చేసి ఆ తర్వాత మరో యువతి నిశ్చితార్దం చేసుకున్నాడు. విషయం తెలిసిన యువతి అతనికి ట్విస్ట్ ఇచ్చింది. ఈ ఘటనకు సంబంధించిన వివరాలిలా ఉన్నాయి. చిత్తూరు పట్టణంలోని మురకంబట్టుకు చెందిన సోమశేఖర్ ఓ ప్రైవేటు ఆస్పత్రిలో పని చేస్తున్నాడు. అతనికి సూపర్ మార్కెట్ లో పని చేసే పూతలపట్టు మండలం పసుపులేటివారిపల్లెకు చెందిన యువతితో కొన్నేళ్ల క్రితం పరిచయం ఏర్పడి ప్రేమగా మారింది. ఆమెను పెళ్లి చేసుకుంటానని నమ్మించి తిరుపతి,బెంగుళూరులో సహజీవనం చేశాడు.ఆ తర్వాత పెద్దలను ఒప్పించేందుకు అని ఇంటికి వచ్చాడు. పెద్దలు చూసిన అమ్మాయితో నిశ్చాతార్దం కూడా చేసుకున్నాడు. విషయం తెలిసిన యువతి అతనిని నిలదీయగా పెద్దలు ఒప్పుకోవడం లేదని పెళ్లికి నిరాకరించాడు. దీంతో యువతి చిత్తూరులోని దిశ పోలీస్ స్టేషన్ లో ఫిర్యాదు చేసింది. మంగళవారం ప్రియుని ఇంటి ఎదుట ఆందోళనకు దిగింది. దీంతో పోలీసులు అక్కడికి చేరుకొని ఆమెతో చర్చించారు. ఏదో ఒకటి తేలే వరకు సోమశేఖర్ కు వేరే అమ్మాయితో పెళ్లి కాకుండా చూస్తామని వారు హామి ఇవ్వడంతో ఆమె ఆందోళన విరమించింది.
|
|