ట్రెండింగ్
భార్యకు పాజిటివ్‌.. భర్త హఠాన్మరణం
Andhra Pradesh Telugu | Suryaa Desk | Published : Thu, Jul 16, 2020, 01:08 PM
భార్యకు కరోనా పాజిటివ్‌ అని తెలిసిన భర్త కుప్పకూలి ప్రాణాలు వదిలారు. కర్నూలు జిల్లా కల్లూరు మండలం చిన్నటేకూరుకు చెందిన వృద్ధుడు (78) మూడు రోజుల క్రితం కాలుజారి కింద పడి గాయపడ్డారు. కర్నూలులోని ఓ ప్రైవేటు ఆసుపత్రిలో చికిత్స చేయించుకున్నారు. ఆయనలో కరోనా లక్షణాలు ఉన్నట్లు అనుమానించి వైద్యులు కర్నూలు జీజీహెచ్‌కు వెళ్లమని సూచించారు. మంగళవారం రాత్రి భార్యతో కలిసి వెళ్లి అక్కడే ఉండి కరోనా పరీక్షలు చేయించుకున్నారు. బుధవారం ఉదయం వచ్చిన ఫలితాల్లో తనకు నెగిటివ్‌, భార్యకు పాజిటివ్‌ అని నిర్దారణ అయ్యింది. భార్యకు పాజిటివ్‌ అని తెలిసిన కొన్ని నిమిషాలకే ఆయన అక్కడికక్కడే కుప్పకూలిపోయారు. భార్యను ఐసోలేషన్‌కు తరలించగా కుటుంబసభ్యులు ఆయన మృతదేహాన్ని గ్రామానికి తరలించారు.
|
|