ట్రెండింగ్
కరోనాతో సీఐ మృతి
Andhra Pradesh Telugu | Suryaa Desk | Published : Wed, Jul 15, 2020, 11:51 AM
ఏపీలో కరోనా మహమ్మారి రోజురోజుకూ విజృంభిస్తోంది. అనంతపురం నగరంలో ట్రాఫిక్ సీఐగా విధులు నిర్వర్తిస్తున్న రాజశేఖర్ కరోనా బారినపడి మంగళవారం మృతి చెందారు. అనంతపురంలోని స్థానిక సవేరా హాస్పిటల్‌లో చికిత్స పొందుతూ మృతి చెందినట్లు సమాచారం. కరోనా బారినపడి సీఐ మృతి చెందడం పట్ల హిందూపురం వైసీపీ ఎంపీ గోరంట్ల మాధవ్ తీవ్ర దిగ్భ్రాంతి వ్యక్తం చేశారు. తను పోలీసు ఉద్యోగం చేసిన సమయంలో తన సమకాలీకుడిగా రాజశేఖర్ ఎంతో సమర్థవంతంగా విధులు నిర్వర్తించాడని గుర్తు చేసుకున్నారు. సీఐ రాజశేఖర్ కుటుంబాన్ని ప్రభుత్వం అన్ని విధాలా ఆదుకుంటుందని ఎంపీ భరోసా ఇచ్చారు.
|
|