ప్రపంచంలోనే ఆరో ధనవంతుడుగా ముఖేష్ అంబానీ
Andhra Pradesh Telugu | Suryaa Desk | Published : Wed, Jul 15, 2020, 11:33 AM
రిలయన్స్ ఇండస్ట్రీస్ అధినేత ముఖేష్ అంబానీ మరో ఘనతను సొంతం చేసుకున్నారు. ప్రపంచంలోనే ఆరో ధనవంతుడుగా ఖ్యాతి గాంచారు. టెస్లా సీఈవో ఎలోన్ మస్క్, గూగుల్ సహ వ్యవస్థాపకులు సెర్గీ బ్రిన్, లారీ పేజ్ నికర విలువను అధిగమించారు. బ్లూమ్‌బెర్గ్ బిలియనీర్స్ ఇండెక్స్ ప్రకారం రిలయన్స్ ఇండస్ట్రీస్ చైర్మన్ నికర విలువ 72.4 బిలియన్ డాలర్లు. టెలికాం యూనిట్ జియో ప్లాట్‌ఫామ్‌లకు ఫేస్‌బుక్, కేకే ఆర్, ఇంటెల్ సహా పలువురు ప్రపంచ పెట్టుబడిదారుల నుంచి నిధులు రావడంతో మార్చి నుంచి ఆర్‌ఐఎల్ షేర్ ధర పెరిగింది.ప్రస్తుతం ఎలాన్ మాస్క్ నికర విలువ 68.6 బిలియన్ డాలర్లు కాగా, లారీ పేజ్ సంపద ప్రస్తుతం 71.6 బిలియన్ డాలర్లు , బ్రిన్స్ సంపద 69.4 బిలియన్ డాలర్లుగా ఉంది. అంబానీ సంపద ఇటీవల ప్రఖ్యాత పెట్టుబడిదారు వారెన్ బఫ్ఫెట్‌‌ను సైతం అధిగమించినట్టు ఎన్‌డీటీవీ కథనంతో తెలుస్తోంది. అంతేకాదు ముఖేష్ అంబానీ శక్తి సామ్రాజ్యం నెమ్మదిగా ఈ-కామర్స్ వైపుకు మారుతోంది. టెక్ దిగ్గజాలు భారతదేశంలో వేగంగా అభివృద్ధి చెందుతున్న డిజిటల్ వ్యాపారంలో కొంత భాగాన్ని తీసుకోవడానికి ప్రయత్నిస్తున్నాయి. దేశంలో డిజిటల్ టెక్నాలజీల స్వీకరణను వేగవంతం చేయడానికి రాబోయే సంవత్సరాల్లో 10 బిలియన్ డాలర్లు ఖర్చు చేయనున్నట్లు గూగుల్ సోమవారం తెలిపింది.
|
|