కలలు చెప్పే నిజాలు

మనకు నిద్రలో వచ్చే కలలు.. మనకు సంబంధించిన కఠినమైన నిజాలను చెబుతాయట. ఈ విషయం సైకాలజీ చెబుతుంది. అవును ముఖ్యంగా మనలో ఉండే భయం, కోపం, ద్వేషం, ధైర్యం, కక్ష, కాన్ఫిడెన్స్ ఇలా ఎన్నో ఎమోషన్స్ కు కలలు ఎక్స్ ప్రెషన్స్.మనకొచ్చే కలలు మనమున్న స్టేట్ ఆఫ్‌ మైండ్‌ను తెలియజేస్తాయి. కలలో ఏదైనా ఓ ప్రమాదకరమైన జంతువు మనల్ని ఛేజ్ చేస్తున్నట్టు వస్తే మనకు కలిగే భయం, ఆవేశం వంటి ఉద్వేగాలను అణచివేసుకుంటున్నట్టు అర్థం. కలలో చిన్నపిల్లలు వస్తే మనం ప్రేమించబడాలని కోరుకుంటున్నట్టు, కొత్త ఆరంభం కోసం చూస్తున్నట్టు అర్థం. ఇక బట్టలకు సంబంధించిన కలలు వస్తే మనల్ని ఎదుట వాళ్లకు ఎలా చూపించుకోవాలో అనే ఆలోచనలు ఉన్నట్టు అర్థమట.కలల్లో పరీక్ష రాస్తున్నట్టు వస్తే నిజ జీవితంలో ఏదో విషయంలో మనల్ని మనమే పరీక్షించుకుంటున్నామని అర్థం. ఏదో కోల్పోయామన్న బాధలో ఉన్నప్పుడు మనకు కావాల్సిన వాళ్లు చనిపోయినట్టు కలలు వస్తాయట. పై నుంచి పడిపోయినట్టు కలలు వస్తే ఏదో విషయంలో ఎక్కువగా ఆలోచిస్తున్నట్టు అర్థం. ఇక మన డ్రీమ్స్‌లో డబ్బులు వస్తే గనుక మన లైఫ్‌లో వచ్చే కొత్త మార్పులను గ్రహించే స్థితిలో ఉన్నట్టు అర్థం. అదే మన కలల్లో నీళ్లు వస్తే.. వాటర్ ఫ్లో నిర్మలంగా ఉంటే మనం ప్రశాంతంగా ఉన్నట్టు, ప్లో స్పీడ్‌గా ఉంటే.. మనలోని అప్రశాంతతకు ప్రతీక అని చెప్పుకోవచ్చు.కలలే కదా అని కొట్టిపారేయకుండా.. అవి చెప్పే విషయాలను వినాలని, తెలుసుకోవాలని సైకాలజిస్టులు చెబుతుంటారు. మన మనస్సులోని సంఘర్షణలకు కలలు సూచికలంట. ఒక రకంగా సందేశాలు. మనకొచ్చే కలలను పరిశీలిస్తే.. ఆ సమయంలో మన మైండ్ సెట్‌ ఎలా ఉందో తెలుసుకోవచ్చంట. అంతేకాదు మనకు వరల్డ్ డ్రీమ్ డే‌ కూడా ఉంది. సెప్టెంబర్ 25 వరల్డ్ డ్రీమ్ డే.