వాట్సాప్ బ్యాకప్‌ను ట్రాన్స్ ఫర్ చేసేసుకోండిలా..
Andhra Pradesh Telugu | Suryaa Desk | Published : Wed, Jul 15, 2020, 11:02 AM
మన జీవితాల్లో వాట్సాప్ ఇంపార్టెన్స్ పెరిగింది. మనకెంతో ఇష్టమైనవాళ్లు, తెలిసినవాళ్లతో వాట్సాప్ లోనే టచ్‌లో ఉంటున్నాం. అలాగే వాట్సాప్ లో మనకు కావాల్సిన వాళ్ల డేటా చాలా ఉంటుంది. కొత్త ఫోన్లు తీసుకున్నప్పుడు సాధారణంగా వాటిని కోల్పోతాం. కానీ ఆ డేటా చెక్కుచెదరకుండా కొత్త స్మార్ట్‌ ఫోన్లలోకి తీసుకోవచ్చు. పాత ఫోన్లలో ఉండే ఛాటింగ్, ఇమేజ్‌లు, వీడియోలు అన్ని వేరే ఫోన్లోకి ట్రాన్స్‌ఫర్ చేసుకునే అవకాశం ఉంది. దీనికి ముందుగా రెండు ఫోన్లలోనూ అప్ డేటెడ్ వాట్సాప్ యాప్‌ను ఇన్‌స్టాల్ చేసుకోవాలి. ఫోన్లో డేటా ఉండాలి. మెస్‌జ్‌లు పంపించుకునే వీలుండే ఫోన్ నెంబర్ ఉండాలి.మొదటగా మన పాత ఫోన్‌లోని వాట్సాప్ సెట్టింగ్స్‌లోకి వెళ్లాలి. అందులో చాట్స్‌లోంచి.. బ్యాక్ అప్ ఆప్షన్‌ను సెలక్ట్ చేసుకోవాలి. అక్కడ బ్యాకప్ బటన్‌ను ట్యాప్ చేసుకోవాలి. ఇక కొత్త ఫోన్లో మీరు వాడే ఫోన్ నెంబర్‌‌‌కు వచ్చే ఓటీపీ ద్వారా వాట్సాప్‌ను ఓపెన్ చేయాలి. సెటప్ అయ్యే ప్రాసెస్‌లో రీ స్టోర్ బటన్‌ను ట్యాప్ చేయాలి. ఆ ప్రాసెస్ అయిన తర్వాత అన్ని చాట్‌లు, వీడియోలను కనుగొనవచ్చు.
|
|