150 కిలోమీటర్ల ప్రయాణం.. మూగజీవికి ప్రాణం పోసిన టీమ్
Andhra Pradesh Telugu | Suryaa Desk | Published : Tue, Jul 14, 2020, 05:34 PM
కరోనా సృష్టించిన కల్లోలానికి మనుషులు మధ్యం దూరం పెరగడమే కాదు.. మానవత్వం కూడా అంతరించిపోతుంది..! పక్కనే మనిషి ప్రాణం పోతున్న పట్టించుకోని పరిస్థితి కనబడుతుంది..! ఇలాంటి సమయంలో కొంతమంది కుర్రాళ్లు.. మూగ జీవికి ప్రాణం పోసి తమ మనస్సును చాటుకున్నారు. 150 కిలో మీటర్లు ప్రయాణం చేసి మరీ ఓ కుక్కను రక్షించారు.యానిమల్ వారియర్స్ కన్జర్వేషన్ సొసైటీలో పనిచేసే యువకులు ఈ పని చేశారు. ఆదివారం ఉదయం... ఓ కుక్క 70 అడుగుల లోతు గల బావిలో పడిపోయిందని వరంగల్‌ జిల్లా నారాయణ తాండావాసులు సోసైటీకి ఫోన్ చేశారు. దాంతో కుక్కను రక్షించేందుకు రాత్రే వెహికల్‌ను ఏర్పాటు చేసుకుని హైదరాబాద్‌ నుంచి వరంగల్‌కు బయల్దేరారు. అక్కడకు చేరుకున్న తర్వాత కుక్క పడిపోయిన బావిని గుర్తించి టీమ్‌లో ఒకరు బావిలోకి వెళ్లి కుక్కను జాగ్రత్తగా పైకి తీసువచ్చారు. తర్వాత దానిని గ్రామంలోకి వదిలేశారు.ఈ టీమ్‌లో ప్రదీప్, సంజీవ్ వర్మ, అమర్ నాథ్, రాఘవ్, ఆంథోని ప్రభు, మెస్సీలు మెంబర్స్‌గా ఉన్నారు. అయితే వీరి దగ్గర జంతువులను రక్షించాలనే మంచి ఉద్దేశం తప్ప.. ఎటువంటి భద్రతా పరికరాలు కానీ, రెస్క్యూ వెహికల్‌ కూడా లేదు. ఎటువంటి లాభాన్నిఆశించకుండా..మూగజీవాలను కాపాడాలనే మంచి ఉద్దేశంతో యానిమల్ వారియర్స్ కన్జర్వేషన్ సొసైటీని ఏర్పాటు చేశామని, కనీసం ప్రైవేట్ వెహికల్‌ను పెట్టుకునే స్థోమత కూడా లేదని టీమ్ మెంబర్స్ అంటున్నారు. దీనికోసం వీరు ఇటీవలే మీలాప్‌లోఆన్‌లైన్‌ ఫండ్ రైజింగ్ కార్యక్రమాన్ని చేపట్టారు.
|
|