చుండ్రు సమస్య వేధిస్తోందా? ఈ చిట్కాలు పాటించండి
Andhra Pradesh Telugu | Suryaa Desk | Published : Tue, Jul 14, 2020, 05:33 PM
చుండ్రు.. తీరని సమస్యగా మారి చాలామందిని వేధిస్తుంటుంది. తలలో చుండ్రు ఎక్కువగా ఉంటే విపరీతమైన దురద వస్తుంది. నలుగురిలోకి వెళ్లడానికి ఇబ్బందిగా ఉంటుంది. రకరకాల చర్మ సమస్యలు వస్తాయి. పైగా చికాకుగా ఉంటుంది. దీంతో చుండ్రును వదిలించుకోవడానికి రకరకాల షాంపులు, మందులు వాడుతుంటాం. చాలా ఖర్చు చేస్తాం. నిజానికి ఈ సమస్యను అధిగమించడానికి మన ఇంట్లోనే పరిష్కారాలు ఉన్నాయి.మెంతులు చుండ్రును వదిలించుకోవడానికి మంచి ఔషధంగా పనిచేస్తాయి. మెంతుల్ని రాత్రంతా నానబెట్టి పొద్దున్నే రుబ్బి ఆ మిశ్రమాన్ని తలకు పట్టించాలి. అలా గంటసేపు ఉంచుకుని తర్వాత షాంపుతో తల స్నానం చేయాలి. ఇలా చేస్తే చుండ్రు సమస్య తీరుతుంది.అలాగే వేప నూనె, ఆలివ్ ఆయిల్ కలిపి రాసుకున్న చుండ్రు గణనీయంగా తగ్గుతుంది. వేప నూనె, ఆలివ్ ఆయిల్‌ను సమాన మోతాదులో కలిపి వేడి చేసి, గోరు వెచ్చగా ఉన్నఆ మిశ్రమాన్ని తలకు రాసుకోవాలి. పావు గంట తర్వాత షాంపుతో స్నానం చేయాలి.అల్లాన్నిచిన్నగా తరిగి నువ్వుల నూనెలో వేసి.. ఆ నూనెను తలకు మర్ధనా చేసుకోవాలి. రాత్రి నిద్రపోయే ముందు రాసుకుని ఉదయాన్నే షాంపుతూ శుభ్రం చేసుకోవాలి. ఇలా వారానికి మూడు సార్లు చేస్తే చుండ్రు తగ్గుతుంది. కలబంద కూడా చుండ్రు సమస్యకు చెక్ పెడుతుంది. కలబంద గుజ్జును మాడుకు పట్టించి పావుగంట తర్వాత షాంపుతో శుభ్రం చేసుకోవాలి. వారానికి ఇలా మూడు సార్లు చేస్తే చుండ్రు తగ్గుతుంది
|
|