కేంద్ర ప్రభుత్వం ఎన్నో రకాల పథకాలు అందిస్తోంది. ఇందులో అటల్ పెన్షన్ యోజన (APY) స్కీమ్ కూడా ఒకటి. అసంఘటిత రంగంలోని పేద ప్రజలు లక్ష్యంగా కేంద్రం ఈ స్కీమ్ను ఆవిష్కరించింది. అటల్ పెన్షన్ యోజన స్కీమ్లో చేరిన వారికి రూ.5,000 వరకు పెన్షన్ వస్తుంది. కనీసం రూ.1000 పెన్షన్ పొందొచ్చు. మీరు చెల్లించే మొత్తంపై ఆధారపడి మీకు వచ్చే పెన్షన్ నిర్ణయమౌతుంది. రూ.1,000, రూ.2 వేలు, రూ.3,000, రూ.4 వేలు, రూ.5,000 చొప్పున పింఛన్ పొందొచ్చు.నెలకు రూ.5 వేలు పెన్షన్ తీసుకోవాలని భావిస్తే నెలకు రూ.210 చెల్లించాల్సి ఉంటుంది. 18 నుంచి 40 ఏళ్ల మధ్యలో వయసు కలిగిన వారు ఈ స్కీమ్లో చేరేందుకు అర్హులు. బ్యాంక్ బ్రాంచ్కు వెళ్లి లేదా పోస్టాఫీస్కు వెళ్లి ఈ పథకంలో చేరొచ్చు. నామినీ లేదా భాగస్వామి వివరాలు కచ్చితంగా అందించాల్సి ఉంటుంది.మీరు చెల్లించే మొత్తాన్ని నెల వారీగా లేదా మూడు నెలలకు ఒకసారి లేదంటే ఆరు నెలలకు ఒకసారి చొప్పున చెల్లిస్తూ రావొచ్చు ఆటో డెబిట్ ఫెసిలిటీ ఉంది. మీ బ్యాంక్ అకౌంట్ నుంచి డబ్బులు ఆటోమేటిక్గానే కట్ అవుతాయి. స్కీమ్లో చేరిన వారికి పీఆర్ఏఎన్ కార్డు ఇస్తారు. దీని ద్వారా మీ అకౌంట్లో లావాదేవీల వివరాలు తెలుసుకోవచ్చు.18 ఏళ్ల వయసులో ఈ స్కీమ్లో చేరితే అప్పుడు రూ.1000 పెన్షన్ కోసం నెలకు రూ.42 చెల్లిస్తే సరిపోతుంది. అదే రూ.5 వేల పెన్షన్ కోసం నెలకు రూ.210 చెల్లించాలి. అదే మీరు 40 ఏళ్ల వయసులో ఈ పథకంలో చేరితే రూ.5,000 కోసం రూ.1454 కట్టాలి. అదే రూ.1,000 కోసం అయితే నెలకు రూ.291 చెల్లిస్తే సరిపోతుంది. రూ.3 వేల పెన్షన్ కోసం నెలకు రూ.126 నుంచి రూ.873 చెల్లించాలి.
![]() |
![]() |
SURYAA NEWS, synonym with professional journalism, started basically to serve the Telugu language readers. And apart from that we have our own e-portal domains viz,. Suryaa.com and Epaper Suryaa