ఇళ్ల పట్టాల పంపిణీ ఆగదు
Andhra Pradesh Telugu | Suryaa Desk | Published : Tue, Jul 07, 2020, 03:17 PM
చంద్రబాబు నాయుడు, ఆయన అనుచరులు ఎన్ని కుతంత్రాలు, కుయుక్తులు పన్నినా, ఎన్ని ఇబ్బందులు పెట్టినా ఆగస్ట్‌ 15న పేదలందరికీ ఇళ్ల పట్టాలు పంపిణీ చేస్తామని ఏపీ మంత్రి బొత్స సత్యనారాయణ స్పష్టం చేశారు. సోమవారం ఆయన విజయవాడలో మీడియాతో మాట్లాడారు. ఇళ్లులేని పేదలందరికీ ఇళ్ల స్థలాలు ఇస్తామని ముఖ్యమంత్రి వైఎస్‌ జగన్‌మోహన్‌రెడ్డి మాట ఇచ్చారని గుర్తు చేశారు. ఇప్పటికే సుమారు 30 లక్షలమంది లబ్దిదారులను గుర్తించామన్నారు. జులై 8న ఇళ్ల పట్టాలు ఇవ్వాలని లక్ష్యంగా పెట్టుకున్నట్లు మంత్రి చెప్పారు. 26,034 ఎకరాల భూమిని సేకరించి లే అవుట్లు వేశామన్నారు. ఆగస్టు 15 నాటికీ పేదలకు ఇళ్ల పట్టాలు అందిస్తామన్నారు.
|
|