విద్యార్థులకు ఆంధ్రప్రదేశ్ స్టేట్ స్కిల్ డెవలప్‌మెంట్ కార్పొరేషన్ గుడ్ న్యూస్
Andhra Pradesh Telugu | Suryaa Desk | Published : Sun, Jul 05, 2020, 07:39 PM
నైపుణ్యాల లేమితో బాధపడుతున్న విద్యార్థులకు, కొత్త అంశాలను నేర్చుకోవాలి అనుకుంటున్న ఔత్సాహిక విద్యార్థులకు ఆంధ్రప్రదేశ్ స్టేట్ స్కిల్ డెవలప్‌మెంట్ కార్పొరేషన్ (APSSDC) గొప్ప అవకాశాన్ని కల్పిస్తోంది. పలు అంశాల్లో ఆన్‌లైన్ స్కిల్ ట్రెయినింగ్‌ ప్రోగ్రామ్స్ నిర్వహిస్తోంది. ఇప్పటివరకు 10,000 మంది విద్యార్థులు, 9000 మంది అధ్యాపకులకు శిక్షణ ఇచ్చింది. శిక్షణ ఇచ్చేందుకు ఐబీఎం, గూగుల్, ఫేస్‌బుక్, టాటా కన్సల్టెన్సీ సర్వీసెస్ లాంటి సంస్థలతో ఒప్పందం కుదుర్చుకుంది.ఆసక్తి ఉన్న విద్యార్థులు www.apssdc.in/ వెబ్‌సైట్‌లో ఈ కోర్సులకు సంబంధించి ఎన్‌రోల్ చేసుకోవచ్చు. కోర్సు పూర్తి చేసిన తర్వాత ఈ-సర్టిఫికెట్ కూడా అందజేస్తారు. డిజిటల్ ఫౌండేషన్, గోల్‌, జూనియర్ వెబ్ డెవలపర్ కస్టమర్ సర్వీస్ రిప్రజెంటేటీవ్, ఆర్టిఫిషియల్ ఇంటెలిజెన్స్, మెషీన్ లెర్నింగ్, ఇంటర్నెట్ ఆఫ్ థింగ్స్, సైబర్ సెక్యూరిటీ, స్ట్రక్చరల్ అనాలిసిస్, ఆటోమేటీవ్ డిజైన్స్, వెబ్ డిజైనింగ్, ఆర్కిటెక్చర్ మోడలింగ్, ఆండ్రాయిడ్ అప్లికేషన్ డిజైన్, ఏఆర్/వీఆర్/ఎంఆర్, డ్రోన్ టెక్నాలజీ తదితర కోర్సులు అందుబాటులో ఉన్నాయి.ఈ కోర్సుల కాల వ్యవధి 60 నుంచి 80 గంటలు ఉంటుంది. ఆంధ్రప్రదేశ్‌కు చెందిన మహిళలు, గిరిజనులు, ఇంజనీరింగ్, పాలిటెక్నిక్, ఐటీఐ, డిగ్రీ విద్యార్థులు, నర్సులు ఈ కోర్సుల్లో చేరడానికి అర్హులు. ఈ సంస్థ ద్వారా భవిష్యత్తులోనూ మరెన్నో అంశాలపై శిక్షణ ఇవ్వనున్నారు.
|
|