ట్రెండింగ్
సుప్రీం కోర్టుకు జగన్ సర్కార్
Andhra Pradesh Telugu | Suryaa Desk | Published : Fri, Jul 03, 2020, 03:52 PM
జగన్ సర్కార్ మరో సారి సుప్రీం కోర్టు తలుపు తట్టింది. ఏపీ సీనియర్ ఐపీఎస్ అధికారి, మాజీ ఇంటిలిజెన్స్ చీఫ్ ఏబీ వెంకటేశ్వరరావు కేసులో జగన్ సర్కార్ సుప్రీంకోర్టును ఆశ్రయించింది. ఏపీ హైకోర్టు ఇచ్చిన తీర్పుపై స్టే ఇవ్వాలని ప్రభుత్వం పిటిషన్ దాఖలు చేసింది. మేలో ఏబీ వెంకటేశ్వరరావుపై ఉన్న సస్పెన్షన్‌ను హైకోర్టు ఎత్తేసింది. క్యాట్ ఇచ్చిన ఆర్డర్‌ను పక్కన పెట్టింది.. సస్పెన్షన్ చెల్లదని హై కోర్టు తేల్చి చెప్పింది. వెంకటేశ్వరరావు రిట్ పిటిషన్‌ను కోర్టు పరిగణలోకి తీసుకుంది. వెంటనే ఆయన్ను విధుల్లోకి తీసుకోవాలని ప్రభుత్వాన్ని ఆదేశించింది. సస్పెన్షన్ కాలంలో పెండింగ్‌లో ఉన్న జీతభత్యాలను చెల్లించాలని జగన్ ప్రభుత్వాన్ని ఆదేశించింది. దీనిపై స్టే ఇవ్వాలని సుప్రీంకోర్టులో ప్రభుత్వం పిటిషన్ దాఖలు చేసింది.
|
|