ఆన్‌లైన్‌లో గోల్డ్ లోన్ ఇలా..
Andhra Pradesh Telugu | Suryaa Desk | Published : Mon, Jun 29, 2020, 04:39 PM
కరోనా కష్టకాలంలో డబ్బులు లేక ఇబ్బంది పడుతున్నా? బ్యాంకులో బంగారం లోన్ తీసుకోవాలని భావిస్తున్నారా? అయితే ఈ వార్త మీకోసమే. బ్యాంకుకు వెళ్లకుండానే ఆన్‌లైన్‌లోనే గోల్డ్ లోన్కు అప్లై చేయొచ్చు. ఇప్పటికే పలు బ్యాంకులు కొత్తగా గోల్డ్ లోన్ స్కీమ్స్ ప్రారంభించాయి. మీరు ఏదైనా బ్యాంకు వెబ్‌సైట్, మొబైల్ యాప్ ఓపెన్ చేసి గోల్డ్ లోన్కు దరఖాస్తు చేయొచ్చు.మీ దగ్గర ఎంత బంగారం ఉంది, ఆ బంగారం క్వాలిటీ వివరాలు, మీకు ఎంత లోన్ కావాలి, తిరిగి ఎంత కాలంలో చెల్లిస్తారో ఆన్‌లైన్‌లో నమోదు చేస్తే మీకు ఎంత లోన్ వస్తుందో అక్కడే తెలుసుకోవచ్చు. మీ దగ్గరున్న బంగారానికి మార్కెట్ వ్యాల్యూను లెక్కించి అందులో 75% వరకు బ్యాంకులు, ఫైనాన్షియల్ సంస్థలు లోన్ ఇస్తాయి. ఉదాహరణకు మీ దగ్గర ఉన్న బంగారం మార్కెట్ వ్యాల్యూ రూ.1,00,000 అనుకుంటే రూ.75,000 వరకు లోన్ పొందొచ్చు. ఆన్‌లైన్‌లో మీకు ఎంత లోన్ వస్తుందో తెలుసుకున్నాక దరఖాస్తు చేయొచ్చు. ఆ తర్వాత బ్యాంకుకు వెళ్లి మీ నగలు ఇచ్చి వెంటనే లోన్ తీసుకోవచ్చు. ఓ గంట లోపే లోన్ డబ్బులు మీ ఖాతాలో జమ అవుతుంది.
|
|