ట్రెండింగ్
ఇరుకు గొయ్యిలో పడిన మేక..కాపాడిన కుర్రాళ్లు!
Andhra Pradesh Telugu | Suryaa Desk | Published : Mon, Jun 29, 2020, 04:37 PM
అసోం అడిషనల్ డైరెక్టర్ జనరల్ ఆఫ్ పోలీస్ (ఏడీజీపీ) హర్దీ సింగ్ ఓ వీడియోని ట్విట్టర్‌లో పోస్ట్ చేశారు. ఓ మేక ఇరుగు గొట్టం లాంటి గొయ్యిలో పడింది. బయటకు రాలేక ప్రాణ భయంతో కేకలు పెట్టింది. అటుగా వెళ్తున్న కొందరు కుర్రాళ్లు ఆ కేకలు విన్నారు. గొయ్యి దగ్గరకు వచ్చారు. అది మేక అని అర్థమైంది. కానీ దాన్ని ఎలా బయటకు తియ్యాలో తెలియలేదు. ఆ గొయ్యి చూస్తే గొట్టంలా చాలా చిన్నగా ఉంది.ఓ కుర్రాడు గొయ్యిలో తల పెడుతుంటే మిగతా వాళ్లు అతని రెండు కాళ్లను పట్టుకొని పైకి లేపుతూ జాగ్రత్తగా అతన్ని లోపలికి వెళ్లనిచ్చారు. దాదాపు అతను పూర్తిగా లోపలకు వెళ్లిపోయాడు. అప్పుడు అతనికి కొన్ని క్షణాలపాటూ మేక దొరకలేదు. చివరకు ఎలాగొలా మేక తలను పట్టుకున్నాడు. చివరికి వారంతా మేకను పైకి తీసుకొచ్చి దానికి విముక్తి కలిగించారు. మంచి పని చేసిన వాళ్లంతా తమను తాము మెచ్చుకున్నారు.
|
|