పవర్‌గ్రిడ్ కార్పొరేషన్‌లో 119 జాబ్స్... రేపే ఆఖరు
Andhra Pradesh Telugu | Suryaa Desk | Published : Sun, Jun 28, 2020, 08:13 PM
1. పవర్‌గ్రిడ్ కార్పొరేషన్ ఆఫ్ ఇండియా లిమిటెడ్-పీజీసీఐఎల్, ఉద్యోగాల భర్తీకి వరుసగా నోటిఫికేషన్లు విడుదల చేస్తోంది. మహారాష్ట్ర, మధ్యప్రదేశ్, చత్తీస్‌గఢ్ ప్రాంతాల్లో 114 ఖాళీల భర్తీకి దరఖాస్తుల్ని స్వీకరించిన సంగతి తెలిసిందే. ఇప్పుడు సదరన్ రీజియన్‌లో అప్రెంటీస్ పోస్టుల భర్తీకి నోటిఫికేషన్ విడుదల చేసింది. 119 పోస్టుల్ని ప్రకటించింది. కర్నాటక, తమిళనాడు, కేరళ, పాండిచ్చెరీలో ఈ పోస్టుల్ని భర్తీ చేయనుంది. గ్రాడ్యుయేట్, డిప్లొమా అప్రెంటీస్ పోస్టులు ఇవి. ఈ పోస్టులకు దరఖాస్తు ప్రక్రియ ప్రారంభమైంది. దరఖాస్తు చేయడానికి 2020 జూన్ 29 చివరి తేదీ.మొత్తం 119 ఖాళీలు ఉండగా అందులో గ్రాడ్యుయేట్ ఇన్ ఎలక్ట్రికల్ ఇంజనీరింగ్- 22, గ్రాడ్యుయేట్ ఇన్ సివిల్ ఇంజనీరింగ్- 5, గ్రాడ్యుయేట్ ఇన్ ఎలక్ట్రానిక్స్ / టెలీకమ్యూనికేషన్ ఇంజనీరింగ్- 11, డిప్లొమా ఇన్ ఎలక్ట్రికల్ ఇంజనీరింగ్- 26, డిప్లొమా ఇన్ సివిల్ ఇంజనీరింగ్- 11, అసిస్టెంట్ (హ్యూమన్ రీసోర్స్)- 14, ఐటీఐ ఎలక్ట్రికల్- 30 పోస్టులున్నాయి. వేర్వేరు పోస్టులకు వేర్వేరు విద్యార్హతలు ఉన్నాయి. సంబంధిత విభాగంలో ఇంజనీరింగ్ డిగ్రీ, డిప్లొమా చదివినవారు దరఖాస్తు చేయొచ్చు. ఈ నోటిఫికేషన్‌కు సంబంధించిన మరిన్ని వివరాలను www.powergridindia.com/ వెబ్‌సైట్‌లో చూడొచ్చు.
|
|