తక్కువ పెట్టుబడితో ఎక్కువ ఆదాయం

కేవలం 50 వేల రూపాయల పెట్టుబడితోనే నెలకి 35000 నుండి 50000 వరకు ఇప్పుడు చెప్పబోయే బిజినెస్ ద్వారా సంపాదించుకునే అవకాశం ఉంది. ఇంతకీ ఆ బిజినెస్ ఏంటా అని అనుకుంటున్నారా..! ఇంకెందుకు ఆలస్యం వివరాల్లోకి వెళ్లిపోదాం రండి. ఈ రోజుల్లో మొబైల్ వాడని మనిషే ఉండడు. చిన్న పిల్లవాడి నుంచి పెద్దవాళ్ల వరకూ అందరూ మొబైల్స్ ని ఎక్కువగా వాడుతున్నారు. అయితే మొబైల్స్ కే కాకుండా మొబైల్ ప్రొడక్ట్స్ కి కూడా విపరీతంగా డిమాండ్ పెరిగింది. అందులోనూ టెంపర్ గ్లాస్, మొబైల్ స్క్రీన్స్, మొబైల్ బ్యాక్ కేస్ వంటి ప్రొడక్ట్స్ ను ఎక్కువ రేటు పెట్టి కొనడానికి కూడా మొబైల్ ప్రియులు వెనుకాడడం లేదు. ముఖ్యంగా యువత రకరకాలైన డిజైన్స్ కలిగిన మొబైల్ బ్యాక్ కేసులను ఇష్టపడుతున్నారు. అందువలన మొబైల్ ప్రియులను ఆకర్షించే విధంగా వివిధ రకాలైన డిజైన్లతో మొబైల్ బ్యాక్ కేస్ ప్రింటింగ్ చేసినట్లయితే మనం చక్కటి ఆదాయాన్ని పొందవచ్చు.మొబైల్ బ్యాక్ కేస్ ప్రింటింగ్ వ్యాపారాన్ని ప్రారంభించడానికి కావాల్సిన మిషనరీ మరియు రా మెటీరియల్ చూసుకున్నట్లయితే మనకి ముఖ్యంగా మొబైల్ కేస్ ప్రింటింగ్ చేయడానికి సబ్ మిలేషన్ మిషిన్ అనేది కావాల్సి ఉంటుంది. దీనితో పాటు ఒక కలర్ ప్రింటర్ కూడా అవసరం ఉంటుంది. మొబైల్ కేస్ ప్రింటింగ్ కొరకు మనము రా మెటీరియల్స్ గా సబ్ మిలేషన్ పేపర్స్, సబ్ మిలేషన్ ఇంక్, సబ్ మిలేషన్ మొబైల్ కేసులు వాడుతుంటాం. ఇక తయారీ విధానాన్ని ఒకసారి చూద్దాం. ముందుగా మనం ఏ ఇమేజ్ ని అయితే ప్రింట్ చేద్దాం అని అనుకుంటున్నామో ఆ ఇమేజ్ ని ప్రింటర్ ద్వారా సబ్ మిలేషన్ పేపర్ మీద ప్రింట్ చేసుకోవాలి. అనంతరం దాన్ని మొబైల్ కేస్ వెనకభాగంలో సెట్ చేసుకుని కేస్ కి తగ్గట్టుగా కట్ చేసుకోవాలి. ఇప్పుడు ఈ మొబైల్ కేస్ ని సబ్ మిలేషన్ మిషన్లో పెట్టి ఆపరేట్ చేయాలి. ఇక కాసేపటి తర్వాత మొబైల్ కేసుని బయటకు తీసి దాని టెంపరేచర్.. రూమ్ టెంపరేచర్ కు సమం అయ్యేంత వరకు ఆగాలి. ఆ తర్వాత దాని మీద ఉన్న పేపర్ ను తీసేస్తే ఇమేజ్ అనేది కేస్ మీద ప్రింట్ అయ్యి కనబడుతుంది. ఈ ఒక్క మిషన్ తో కేవలం మనం మొబైల్ కేస్ ని ప్రింట్ చేయడమే కాకుండా మగ్ ప్రింటింగ్, టీ షర్ట్ ప్రింటింగ్, గ్లాస్ ఐటెం ప్రింటింగ్, గిఫ్ట్ ఆర్టికల్ ప్రింటింగ్ కూడా చేయవచ్చు. ఇలా ఒక మిషన్ తోనే మనం పలు రకాల బిజినెస్ లు అనేవి చేయవచ్చు.ఈ వ్యాపారం ప్రారంభించడానికి పెట్టుబడి, ఖర్చుల వివరాలు చూసుకున్నట్లయితే సబ్ మిలేషన్ మిషన్ మనకి మార్కెట్ లో 30,000 రూపాయలకు దొరుకుతుంది. ఇక కలర్ ప్రింటర్ ధర 5,000 నుండి ప్రారంభం అవుతుంది. అయితే ప్రింటర్ ని మన బడ్జెట్ ని బట్టి తీసుకోవాల్సి ఉంటుంది. సబ్ మిలేషన్ ప్లేన్ మొబైల్ కేస్ ఒక్కో దాని ధర 25 రూపాయల వరకు ఉంటుంది. ఈ కేస్ అనేది మనము ఇండియా మార్ట్ వెబ్ సైట్లో హోల్ సేల్ గా కొనుగోలు చేయవచ్చు. ఇక సబ్ మిలేషన్ ఏ4 పేపర్ 150 షీట్లు 260 రూపాయలకి మనకు లభ్యమవుతాయి. సబ్ మిలేషన్ ఇంక్ ధర రూ.300 వరకు ఉంటుంది. ఇలా మనం ఒక్కో కేస్ మీద ప్రింటింగ్ చేసినందుకు కస్టమర్స్ దగ్గర రూ.150 నుంచి 200 రూపాయల వరకు ఛార్జ్ చేయవచ్చు. ఈ మొబైల్ కేస్ ప్రింటింగ్ చేయడానికి మనకి రా మెటీరియల్ ఖర్చు, ఎలక్ట్రిసిటీ ఖర్చు 40 రూపాయలు అవుతాయి. ఖర్చులు మినహాయిస్తే మనకి ఒక్కో కేస్ మీద 110 నుండి 160 రూపాయల వరకు లాభం ఉంటుంది. రోజుకి సగటున 10 మంది కస్టమర్స్ వస్తే 1100 నుండి 1600 రూపాయలు, నెలకి 35000 నుండి 50000 వరకు లాభాన్ని ఆర్జించవచ్చు. మరియు టీ షర్ట్ ప్రింటింగ్, మగ్ ప్రింటింగ్ వంటి ఇతర ప్రింటింగులు ద్వారా వచ్చే ఆదాయం దీనికి అదనం. ఈ మెషినరీ మరియు రా మెటీరియల్స్ అన్ని మనకి అమెజాన్ వెబ్ సైట్ లో లభ్యమవుతాయి. ఆసక్తి కలిగిన వారు ఆ వెబ్ సైట్ ను సందర్శించి కొనుగోలు చేయవచ్చు.ఈ బిజినెస్ కి మౌత్ పబ్లిసిటీ అనేది ఎంతో అవసరం. మౌత్ పబ్లిసిటీ ద్వారా ఎక్కువ మందిని ఆకర్షించేందుకు అవకాశం ఉంటుంది. ఇక మన పట్టణంలో రద్దీగా ఉండే ఓ సెంటర్లో షాపును అద్దెకి తీసుకుని ఈ వ్యాపారం ప్రారంభించినట్లయితే మన బిజినెస్ అనేది వెంటనే క్లిక్ అవ్వడానికి ఎక్కువ అవకాశం ఉంది.