ఇప్పటికీ వీడని లేపాక్షి ఆలయ స్తంభం మిస్టరీ!

16వ శతాబ్దంలో విరూపన్న, వీరన్న అనే సోదరులు 70 స్తంభాలతో నిర్మించిన లేపాక్షి ఆలయంలో ఒక్క స్తంభం మాత్రం నేలకు ఆనుకొని ఉండదు. గాలిలో వేలాడుతున్నట్టు అనిపించే ఈ స్తంభం కిందా నుంచి ఒక సన్నని క్లాతును ఒకవైపు నుంచి ఇంకోవైపుకు తీయొచ్చు ఆ రహస్యం ఏమిటో ఇప్పుడు తెలుసుకుందాం...సీతమ్మతల్లిని రావణుడు చెరబట్టి తీసుకెళ్తుంటే, ఆమెను కాపాడబోయి గాయపడ్డ జటాయువును చూసిన శ్రీరామచంద్రుడు లే పక్షీ అని పిలిస్తే, జటాయువు లేచి నిలుచుందని, అందుకే ఈ స్థలానికి లేపాక్షి అనే పేరు వచ్చిందని చెబుతుంటారు.మరో కథ ప్రకారం, అచ్యుతరాయలు కోశాధికారి విరూపన్న రాజు అనుమతి లేకుండా ప్రభుత్వ ధనంతో ఆలయ నిర్మాణం చేపట్టాడు. నిర్మాణం చాలా వరకూ పూర్తయి, కళ్యాణ మంటపం నిర్మాణం జరుగుతున్న సమయంలో రాజుగారికి ఈ విషయాన్ని ఆయన వ్యతిరేకులు చేరవేసారు. దీంతో విరూపన్న ముందుగానే రాజు విధించబోయే శిక్షను తనకు తానుగా విధించుకుని రెండు కళ్లనూ తీసివేసి కళ్యాణ మంటపం దక్షిణవైపున ఉండే గోడకు విసిరి కొట్టాడట. అలా కళ్లు విసిరికొట్టిన ఆనవాళ్ళుగా అక్కడి గోడపైనుండే ఎర్రటి గుర్తులను స్థానికులు చూపుతుంటారు కూడా. అలా లోప- అక్షి (కళ్లు లేని) అనే పదాల ద్వారా ఏర్పడిందే లేపాక్షి అని చెబుతారు.ఈ గుడిలో ఒక్క స్తంభం మాత్రం కింద ఆధారం లేకుండా వుంది. స్తంభం అడుగు భాగానికి, కిందనున్న ఆధారానికి మధ్య ఖాళీ ఉంటుంది. ఇలా ఎందుకు అంటే ఏ కారణంచేతనైనా మండపం కూలిపోయే పరిస్థితి వస్తే, అంటే భూకంపం, ప్రకృతి వైపరీత్యాల వళ్ళ కలిగే ముప్పుకు స్తంబాలు స్థానభ్రంశం కలిగితే ఆ సమయంలో ఈవేలాడే స్తంభం కిందకు ఆని ఏ ఒక్క స్తంభం పడిపోకుండా అన్ని స్తంభాలను కట్టడి చేస్తుందంట. ఇది మనందరికీ తెలియని ఇంకో ప్రతేకత. స్వాతంత్య్రానికి పూర్వం ఒక ఇంజనీరు పరీక్ష పేరుతొ పక్కకు జరపాలి అని ప్రయత్నించాడు, ఆ దెబ్బకు పైకప్పు కూడా కొంత కదిలింది. అలా దీనికి ఆధారం లేనప్పటికి మొత్తం మంటపానికి ఇదే ఆధారం అన్నమాట.ఈ వేలాడే స్తంభమే ముఖ్య ఆకర్షణగా ఇక్కడికి వచ్చే సందర్శకులను ఆకట్టుకొంటోంది. ఇక్కడికి వచ్చిన వారు అందరు ఈ అద్భుతాన్ని చూసి, వారు కూడా వేలాడే స్తంభాన్ని పరీక్షిస్తుంటారు. కానీ స్థంభం ఏ ఆధారం లేకుండా ఉండడం ఇప్పటికీ మిస్టరీగానే ఉంది. దానిపై ఎంతోమంది ఎన్నో పరిశోధనలు చేసినా ఆ మిస్టరీ ఇప్పటికీ అంతుచిక్కలేదు.