కేవలం రూ. 3,399కే ఆ నోకియా ఫోన్!
Andhra Pradesh Telugu | Suryaa Desk | Published : Thu, Jun 25, 2020, 01:59 PM
నోకియా సెల్ ఫోన్లు వచ్చిన కొత్తలో తిరుగులేని ఆధిపత్యం చూపించిన బ్రాండ్. కానీ ఎందుకో స్మార్ట్ ఫోన్ల మార్కెట్లో మాత్రం వెననబడింది. తనకు బాగా పట్టు ఉన్న ఫీచర్ ఫోన్లను రీ బ్రాండ్ చేసి మళ్లీ రిలీజ్ చేస్తోంది నోకియా. ఇప్పటికే నోకియా 3310, నోకియా 8110 బనానా ఫోన్లు రిలీజ్ అయ్యాయి. ఇప్పుడు ఇండియన్ ఫీచర్ ఫోన్ మార్కెట్లోకి నోకియా 5310 ఎక్స్‌ప్రెస్ మ్యూజిక్ ఫీచర్ ఫోన్‌ను రిలీజ్ చేసింది కంపెనీ. ఇవన్నీ పాత మోడళ్లే. ఇప్పుడు వాటికి మరిన్ని మెరుగులు దిద్ది కొత్త ఫోన్లను రిలీజ్ చేస్తున్నారు. నోకియా 5310 ఎక్స్‌ప్రెస్ మ్యూజిక్ ఫీచర్ ఫోన్‌ను సంగీత ప్రేమికులను ఆకట్టుకునేలా రూపొందించింది నోకియా.డెడికేటెడ్ మ్యూజిక్ బటన్స్ ఉంటాయి. ధర రూ.3,399 మాత్రమే. నోకియా అధికారిక వెబ్‌సైట్, అమెజాన్ ప్లాట్‌ఫామ్‌లో ఈ ఫోన్ కొనుగోలు చేయవచ్చు. జూన్ 23 నుంచి మొదటి నాలుగు వారాలు ఆన్‌లైన్‌లో అందుబాటులో ఉండనుంది ఈ మోడల్. జూలై 22 నుంచి అన్ని ఆఫ్‌లైన్ స్టోర్లలో ఈ ఫోన్ ను కొనుగోలు చేయవచ్చు. నోకియా 5310 ఎక్స్‌ప్రెస్ మ్యూజిక్ ఫోన్లో 2.4 అంగుళాల డిస్ ప్లే ఉంటుంది. ర్యామ్ 8ఎంబీ కాగా, ఇంటర్నల్ స్టోరేజ్ 16 ఎంబీ. వెనుక ఫ్లాష్‌తో వీజీఏ కెమెరా ఉంటుంది. బ్యాటరీ కెపాసిటీ 1,200 ఎంఏహెచ్. నోకియా సిరీస్ 30+ ఆపరేటింగ్ సిస్టమ్‌తో పనిచేస్తుంది. డ్యూయెల్ సిమ్ సపోర్ట్ చేస్తుంది. బ్లాక్, వైట్ కలర్లలో లభించే ఈ ఫోన్ ధర రూ.3,399 మాత్రమే.
|
|