హిజ్రాతో సహజీవనం.. అంతలోనే..
Andhra Pradesh Telugu | Suryaa Desk | Published : Sun, Jun 21, 2020, 05:00 PM
ఆ యువకుడు ఓ హిజ్రాపై మనసుపారేసుకున్నాడు. ఇద్దరు పెద్దలను ఎదిరించి నెల క్రితం వేరు కాపురం పెట్టి సహజీవనం ప్రారంభించారు. ఆనందంగా సాగిపోతున్న వారి జీవితంలో ఏమైందో ఏమో కానీ.. శనివారం ఇద్దరు ఉరేసుకుని ప్రాణాలు తీసుకున్నారు. పోలీసులు తెలిపిన వివరాల ప్రకారం.. కారైక్కాల్‌ సమీపం తిరునల్లారుకు చెందిన దిలీప్ (26) అనే యువకుడికి, నిరావీకి చెందిన షివానీ (30) అనే హిజ్రాకు మధ్య ఆరునెలల క్రితం స్నేహం ఏర్పడింది.కొద్దిరోజుల తర్వాత స్నేహం ప్రేమగా మారింది. అనంతరం ఒకరిని విడిచి మరొకరు ఉండలేనంతగా మారిపోయారు. అయితే ఈ ప్రేమ వ్యవహారం దిలీప్ ఇంట్లో తెలిసింది. దీంతో వారు తీవ్రంగా మందలించారు. అయితే షివానీపై ప్రేమను వదులుకునేది లేదని దిలీప్ ఇంట్లో వాళ్లకు తేల్చి చెప్పాడు. నెలరోజుల క్రితం ఇల్లువదిలిపెట్టి వెళ్లి కారైక్కాల్‌ ఒడుదురై ప్రాంతంలో షివానీతో కాపురం పెట్టాడు. అయితే ఇంతలా ప్రేమించుకున్న వారు బలవన్మరణానికి పాల్పడడంతో స్నేహితులు, బంధువులు షాక్ కు గురయ్యారు. పోలీసులు కేసు నమోదు చేసి అన్ని కోణాల్లో విచారణ చేస్తున్నారు.
|
|