ప్రియుడి కోసం భర్తను చంపింది

వివాహాతేర సంబంధాలు ఎన్నో కాపురాలను కూల్చడం మనం నిత్యం వార్తల్లో వింటూనే ఉన్నాం. అలాంటిదే ఈ ఘటన. తన కంటే వయస్సులో చిన్నావాడైన వ్యక్తితో రాసలీలలాడింది ఓ మహళ. ఆ విషయం భర్తకు తెలియడంతో ఇలాంటివి మానుకోమని హెచ్చరించాడు. దీంతో ఏకంగా ప్రియుడితో కలిసి ప్లాన్ వేసి భర్తను హత్య చేసింది ఆ ఇల్లాలు. చివరికి చేసిన నేరానికి జైలు జీవితం అనుభవిస్తోంది. వివరాల ప్రకారం తమిళనాడులోని కృష్ణ గిరి జిల్లాలో నివసించే టైలర్ గోవింద్ రాజ్(58) భార్య కాంచన(38)దంపతులకు నలుగురు ఆడపిల్లలు.పెద్ద అమ్మాయికి పెళ్లి చేసిన తర్వాత, రెండేళ్ల క్రితం వారు ఇల్లు కట్టుకున్నారు. ఆ సమయంలో ఇంటి పని కోసం వచ్చిన మేస్త్రీ కుప్పు స్వామి(30)తో కాంచన వివాహేతర సంబంధం పెట్టుకుంది. ఇంటి నిర్మాణం పూర్తయినా కాంచన, కుప్పుస్వామిని తరచుగా కలుస్తూనే ఉంది. తనకంటే వయస్సులో 8 ఏళ్లు చిన్నవాడైన కుప్పుస్వామితో అక్రమ సంబంధం అనుభవిస్తోంది. ఇతి తప్పని భర్త ఎన్ని సార్లు చెప్పినా ఆమె వినిపించుకోలేదు. దీంతో కోపంతో అతను ఆమెపై చేయి చేసుకున్నాడు. అయినా ఆమె ప్రవర్తన మార్చుకోలేదు. భర్త తనపై చేయిచేసుకోవడం భరించలేని కాంచన భర్తను అంతమొందించాలని నిర్ణయించుకుంది.ప్రియుడు కుప్పుస్వామికి విషయం చెప్పింది. కాంచన, కుప్పుస్వామి, అతని మిత్రుడైన వీరాసామి ముగ్గురు కలిసి గోవింద రాజ్ ను హతమార్చాలని పథకం పన్నారు చేశారు. కుప్పుసామి, వీరాసామి కలిసి కడంబూర్ కు వెళ్లి నడికరువర్ కు చెందిన ముత్తయ్య అనే వ్యక్తి వద్ద లక్ష రూపాయలకు పొలాల్లో అడవి పందులను, పక్షులను వేటాడే నాటు తుపాకి కొనుగోలు చేశారు. జూన్ 4వ తేదీ రాత్రి సమయంలో గోవిందరాజ్ మద్యం సేవించి తన ద్విచక్ర వాహానం పై నాట్రంపల్లి నుంచి ఇంటికి వెళ్తుండగా కుప్పుసామి అతని స్నేహితుడు వీరాసామితో కలిసి ఫాలో అయ్యారు. మార్గ మధ్యలో అతడిపై నాటు తుపాకితో కాల్పులు జరిపారు. దీంతో అతని శరీరంలోకి 14 బుల్లెట్లు దిగాయి. దీంతో గోవింద్ రాజ్ తన ద్విచక్రవాహనం పైనుంచి కింద పడిపోయాడు.దీంతో అతనికి తీవ్ర గాయాలయ్యాయి. జూన్ 15న గోవిందరాజు చికిత్స పొందుతూ చనిపోయాడు. కేసు నమోదు చేసి దర్యాప్తు చేసిన పోలీసులకు షాకింగ్ విషయాలు తెలిశాయి. కేసు విచారణలో భాగంగా పోలీసులు కాంచన సెల్ ఫోన్ కాల్ లిస్టు చెక్ చేశారు. ఆమె అనేక సార్లు కుప్పుసామితో మాట్లాడినట్లు తేలింది. విచారించగా ఆమె తనకు, కుప్పుసామికి ఉన్న లైంగిక సంబంధాన్ని బయటపెట్టింది. తానే కుప్పుసామి సహకారంతో హత్య చేయించినట్లు ఒప్పుకుంది. పోలీసులు గురువారం జూన్ 15న ఆమెను అరెస్టు చేసి కోర్టులో ప్రవేశపెట్టి న్యాయమూర్తి ఆదేశాలతో రిమాండ్ కు తరలించారు. తప్పించుకున్న మరో నిందితుడు వీరాసామి కోసం పోలీసులు తీవ్రంగా గాలిస్తున్నారు. .