రూ.99 చెల్లిస్తే ఇంటి వద్దే స్మార్ట్‌ఫోన్ రిపేర్!
Andhra Pradesh Telugu | Suryaa Desk | Published : Thu, Jun 18, 2020, 02:20 PM
ఫ్లిప్‌కార్ట్ కొత్తగా వారంటీ అసిస్టెంట్ సర్వీస్‌ను ప్రారంభించింది. దీని ద్వారా కస్టమర్లకు రిపేర్ సర్వీస్‌ను అందిస్తోంది. వారంటీలో ఉన్న స్మార్ట్‌ఫోన్ పాడైతే కస్టమర్లు సర్వీస్ సెంటర్లకు తీసుకెళ్లాల్సిన అవసరం లేదు. వారంటీ అసిస్టెంట్ సర్వీస్ కోసం రూ.99 చెల్లిస్తే ఫ్లిప్‌కార్ట్ ఎగ్జిక్యూటీవ్ ఇంటికి వచ్చి స్మార్ట్‌ఫోన్ తీసుకెళ్తారు. బ్రాండెడ్ సర్వీస్ సెంటర్లలో రిపేర్ చేయించి ఇంటికి తీసుకొచ్చి ఇస్తారు. ప్రస్తుతం కరోనా వైరస్ సంక్షోభకాలంలో ఇళ్లలోంచి బయటకు వెళ్లేందుకు ఎవరూ పెద్దగా ఆసక్తి చూపించట్లేదు. అలాంటి కస్టమర్లకు సేవలు అందించేందుకు వారెంటీ అసిస్టెంట్ సర్వీస్‌ను ఫ్లిప్‌కార్ట్ ప్రారంభించింది. థర్డ్ పార్టీ కాంట్రాక్టర్ అయిన జీవీస్ కన్స్యూమర్ సర్వీసెస్ ప్రైవేట్ లిమిటెడ్ ద్వారా వారంటీ అసిస్టెంట్ సేవల్ని ఫ్లిప్‌కార్ట్ అందిస్తోంది. కేవలం వారంటీ కవరేజీ ఉన్న ఉత్పత్తులకు మాత్రమే ఈ సర్వీస్ లభిస్తుంది.
|
|