క్లాత్ మాస్క్ - మెడికల్ మాస్క్ లలో దేన్ని వాడడం బెస్ట్?
Andhra Pradesh Telugu | Suryaa Desk | Published : Mon, Jun 15, 2020, 06:19 PM
కరోనా వైరస్ విజృంభిస్తున్న నేపథ్యంలో మనం మరింత అప్రమత్తంగా ఉండాల్సిన అవసరం ఉంది. ముఖ్యంగా మాస్కులు ధరించడం ద్వారా మనల్ని మనం రక్షించుకోవచ్చు. అలాగే, మన వల్ల ఇతరులకు ముప్పు ఉండదు. ప్రస్తుతం మాస్కులు ధరించడం తప్పనిసరి అయిన నేపథ్యంలో ప్రజల్లో కొన్ని అనుమానాలు అలాగే ఉండిపోయాయి. ఇటీవల మార్కెట్లో క్లాత్‌తో తయారు చేసిన మాస్కుల సంఖ్య పెరిగాయి. వాటిని ఉపయోగించడం వల్ల మనం సురక్షితంగా ఉంటామా లేదా అనే అనుమానాలు ప్రస్తుతం ఉన్నాయి. ప్రపంచ ఆరోగ్య సంస్థ (WHO) సూచనల ప్రకారం.. ప్రజలు మెడికల్, క్లాత్ మాస్కుల్లో ఏదైనా సరే ప్రజలు ఉపయోగించవచ్చు. అయితే, మెడికల్ మాస్కులు కేవలం హెల్త్ వర్కర్లు, కోవిడ్-19 లక్షణాలు ఉన్నవారు మాత్రమే వాడాలని తెలిపింది. క్లాత్‌తో తయారు చేసే మాస్కులను కరోనా లక్షణాలు లేనివారు వాడాలని పేర్కొంది.మెడికల్ మాస్కులు ఒక్కసారి మాత్రమే ఉపయోగించి పాడేయాలని WHO వెల్లడించింది. అయితే, క్లాత్ మాస్కులు ఎన్నిసార్లైనా వాడవచ్చని, ఒకసారి వాడిన తర్వాత మరిగిన నీటిలో వేసి ఉతకాలని, ఆ తర్వాతే దాన్ని వాడాలని సూచించింది. రెండు మీటర్లు కంటే ఎక్కువ దూరం పాటించడం కష్టంగా ఉండే రద్దీ ప్రాంతాల్లో తప్పకుండా మెడికల్ మాస్కులు ధరించాలి. హాస్పిటళ్లకు వెళ్లినప్పుడు తప్పకుండా మెడికల్ మాస్క్‌ను ధరించాలి. కోవిడ్-19 లక్షణాలు లేనివారు క్లాత్ మాస్కులు పెట్టుకోవాలి. రైల్లు, ట్యాక్సీలు, బస్సుల్లో ప్రయాణించేవారు ఈ మాస్కులు ధరించవచ్చు.
|
|