మీ ఏటీఎం కార్డు స్విచ్చాఫ్ చేసి మోసాలను ఇలా అడ్డుకోండి...
Andhra Pradesh Telugu | Suryaa Desk | Published : Mon, Jun 15, 2020, 05:55 PM
ఇటీవల ఎక్కువగా డిజిటల్ పేమెంట్స్‌పైన ఆధారపడుతున్నారు. సైబర్ నేరగాళ్లు కూడా కొత్త పద్ధతుల ద్వారా మోసాలు చేస్తున్నారు. వారి నుంచి తప్పించుకోవాలంటే మీరు అప్రమత్తంగా ఉండాలి. ఒకవేళ మీరు ఇప్పట్లో వాడాల్సిన అవసరం లేని క్రెడిట్ కార్డులు, ఏటీఎం కార్డులు ఉంటే స్విచ్చాఫ్ చేయండి ఇలా.
1. క్రెడిట్ కార్డులు, డెబిట్ కార్డుల విషయంలో రిజర్వ్ బ్యాంక్ ఆఫ్ ఇండియా-RBI ఆదేశాలతో బ్యాంకులు కొన్ని కొత్త రూల్స్‌ని అమలు చేస్తున్నాయి. కార్డు లావాదేవీల భద్రతను పెంచేందుకు, వినియోగదారులకు మేలు చేసేందుకు ఈ కొత్త రూల్స్ ఉపయోగపడతాయి.
2. కస్టమర్లు తమ కార్డును వాడనప్పుడు స్విచ్చాఫ్ చేసే సదుపాయం కల్పించాయి బ్యాంకులు. అంటే కార్డును ఆఫ్ చేస్తే ఇక ఆ కార్డుతో లావాదేవీలు చేయడం సాధ్యం కాదు. ఇలా ఇంటర్నేషనల్ ట్రాన్సాక్షన్స్, ఆన్‌లైన్ షాపింగ్, ఏటీఎంలల్లో కార్డు వాడకుండా మీరు ఆఫ్ చేయొచ్చు.
3. అందరూ అన్ని చోట్లా కార్డులను ఉపయోగించరు. అలాంటప్పుడు వాటిని ఆఫ్ చేసే అవకాశాన్ని ఇవ్వాలని ఆర్‌బీఐ ఆదేశించింది. అంటే మీరు మీ కార్డును అస్సలు ఆన్‌లైన్ షాపింగ్‌కు ఉపయోగించనట్టైతే ఆఫ్ చేసుకోవచ్చు. అలాగే ఏటీఎం, పాయింట్ ఆఫ్ సేల్‌కు కూడా ఆఫ్ చేయొచ్చు.
4. మీరు ఏ బ్యాంకు కార్డు వాడుతున్నారో ఆ బ్యాంకు వెబ్‌సైట్ లేదా మొబైల్ యాప్‌లో కార్డును స్విచ్చాఫ్, స్విచ్చాన్ చేసే ఆప్షన్స్ ఉంటాయి. వాటితో మీ కార్డును ఆఫ్ చేయొచ్చు. ఆన్ చేయొచ్చు. లేదా కొన్ని ట్రాన్సాక్షన్స్‌కు మాత్రమే అనుమతి ఇవ్వొచ్చు.
|
|