ఇంటర్ తర్వాత ఈ కోర్సులు చేస్తే విస్తృత అవకాశాలు

ఆంధ్రప్రదేశ్‌లో ఇంటర్ ఫలితాలు విడుదలయ్యాయి. తెలంగాణలో ఇంటర్ ఫలితాలు విడుదల కాబోతున్నాయి. ఇంటర్మీడియట్ తర్వాత ఏం చదవాలన్న ఆలోచన ప్రస్తుతం ఇంటర్ విద్యార్థుల్లో ఉంది. ఇంటర్ తర్వాత చాలా కోర్సులు చేయొచ్చు. సంప్రదాయ కోర్సులతో పాటు ప్రస్తతం మార్కెట్‌లో డిమాండ్ ఉన్న కోర్సులు కూడా చేయొచ్చు. వాటి వివరాలు తెలుసుకోండి.ఇంటర్ పాసైన తర్వాత సంప్రదాయంగా ఉండే కోర్సులతో పాటు లేటెస్ట్ టెక్నాలజీకి సంబంధించిన కోర్సులు కూడా పలు విద్యాసంస్థల్లో ఉన్నాయి. టెక్నాలజీ రంగంలో ఇటీవల కాలంలో ఎక్కువగా వినిపిస్తున్న మాట ఆర్టిఫిషియల్ ఇంటెలిజెన్స్, మెషీన్ లెర్నింగ్. ఇంటర్ తర్వాతే ఆర్టిఫిషియల్ ఇంటెలిజెన్స్, మెషీన్ లెర్నింగ్ కోర్సులు చేయొచ్చన్న విషయం చాలామందికి తెలియదు. ఇంటర్ మంచి మార్కులతో పాసైతే చాలు ఈ లేటెస్ట్ టెక్నాలజీ కోర్సుల్ని చేయొచ్చు. కెరీర్‌లో మిగతావారికన్నా చాలా ముందు ఉండొచ్చు. సైన్స్, ఇంజనీరింగ్ విభాగాలకు చెందినదే ఆర్టిఫిషియల్ ఇంటెలిజెన్స్. మానవ మేధస్సును అర్థం చేసుకొని దానికి అనుగుణంగా కంప్యూటర్ వ్యవస్థ పనిచేయడమే ఆర్టిఫిషియల్ ఇంటెలిజెన్స్.ఆర్టిఫిషియల్ ఇంటెలిజెన్స్‌లో స్పీచ్ రికగ్నిషన్, విజువల్ పర్సెప్షన్, లాజిక్ అండ్ డెసిషన్, మల్టీ లాంగ్వేజ్ ట్రాన్స్‌లేషన్ ఇలా చాలా అంశాలు ఉంటాయి. ఆర్టిఫిషియల్ ఇంటెలిజెన్స్ సాయంతో అల్జీమర్స్ లాంటి జబ్బుల్ని కూడా నయం చేయొచ్చని పరిశోధనల్లో తేలింది. ఐఐఐటీ హైదరాబాద్-అలాహాబాద్, యూనివర్సిటీ ఆఫ్ హైదరాబాద్, ఐఐటీ ఖరగ్‌పూర్, ఐఐఎస్‌సీ బెంగళూరు, ఐఐటీ బాంబే, ఐఐటీ మద్రాస్ విద్యా సంస్థలు ఇంటర్ తర్వాత ఆర్టిఫిషియల్ ఇంటెలిజెన్స్, మెషీన్ లెర్నింగ్ కోర్సుల్ని అందిస్తున్నాయి.ఇంటర్ తర్వాత పలు రకాల ఆర్టిఫిషియల్ ఇంటెలిజెన్స్, మెషీన్ లెర్నింగ్ కోర్సులు ఉంటాయి. అడ్వాన్స్‌డ్ సర్టిఫికేషన్ ఇన్ ఆర్టిఫిషియల్ ఇంటెలిజెన్స్ అండ్ మెషీన్ లెర్నింగ్, మెషీన్ లెర్నింగ్(ఇంటర్మీడియట్ లెవెల్), బీటెక్ కంప్యూటర్ సైన్స్ అండ్ ఇంజినీరింగ్(ఏఐ, మెషీన్ లెర్నింగ్), బీటెక్ సీఎస్ లేదా ఐటీ/ఈసీఈ/ఎంఈ/ఐఎన్/ఎంఎస్సీ, ఆర్టిఫిషియల్ ఇంటెలిజెన్స్‌లో మాస్టర్ ఆఫ్ టెక్నాలజీ, ఇన్ఫర్మేషన్ టెక్నాలజీలో ఎంటెక్, రోబోటిక్స్‌లో ఎంటెక్ కోర్సులు చేయొచ్చు. ఆర్టిఫిషియల్ ఇంటెలిజెన్స్, మెషీన్ లెర్నింగ్, రోబోటిక్స్ లాంటి రంగాల్లో కెరీర్‌ ఇంకా బాగా తీర్చిదిద్దుకోవడానికి 10+2 పాసైనవాళ్లు బ్యాచిలర్ డిగ్రీ చేసిన తర్వాత ఎంటెక్ చేయొచ్చు.