ఏపీలో పరీక్షల తేదీలు, క్లాసుల ప్రారంభంపై క్లారిటీ

కరోనా నేపథ్యంలో 2020-21 విద్యా సంవత్సరాన్ని ప్రారంభించడంపై ఉన్నత విద్యామండలి ప్రణాళిక రూపొందించింది. అండర్ గ్రాడ్యుయేషన్, పోస్టు గ్రాడ్యుయేషన్ ప్రొఫెషనల్, నాన్ ప్రొఫెషనల్ కోర్సులకు సంబంధించిన ప్రవేశ పరీక్షలు, కౌన్సెలింగ్‌, క్లాసులు ప్రారంభ తేదీలపై స్పష్టత ఇచ్చింది. ఆయా కాలేజీలు, వర్సిటీలు ఈ ప్రణాళిక ప్రకారం ప్రస్తుత విద్యాసంవత్సరానికి సంబంధించిన సిలబస్ పూర్తి చేయడంతో పాటు పరీక్షల నిర్వహణ, వచ్చే విద్యాసంవత్సరం ప్రారంభం తదితర అంశాలపై సూచనలు చేసింది.

2019-20 విద్యా సంవత్సరంలో మిగిలిపోయిన సిలబస్‌ను ఆయా విద్యాసంస్థలు జూన్ ఆఖరుకల్లా పూర్తిచేయాలి. కాలేజీల్లో భౌతిక దూరం పాటించేందుకు వీలుగా 50 శాతం మంది విద్యార్థులను మాత్రమే తరగతులకు అనుమతించాలి. మిగతావారికి ఆన్‌లైన్, లైవ్ తరగతుల ద్వారా సిలబస్ పూర్తి చేయాలి. ప్రాక్టికల్ తరగతులను కూడా భౌతిక దూరం పాటిస్తూ జూన్ ఆఖరు నాటికి పూర్తి చేయాలి. 2019-20 ఫైనలియర్ థియరీ, ప్రాక్టికల్ పరీక్షలు జులై 1నుంచి 15లోపు పూర్తి చేయాలి. చివరి పరీక్ష ముగిసిన 15 రోజుల్లోగా ఫలితాలను ప్రకటించాలి. ఇతర సెమిస్టర్ల విద్యార్థులకు పరీక్షల షెడ్యూల్‌ను 2020-21 విద్యాసంవత్సరం ప్రారంభమయ్యాక ప్రకటిస్తారు. ఫైనలియర్ కాకుండా ఇతర మిగిలిన తరగతులు చదువుతున్న విద్యార్థులను వారి హాజరు ప్రకారం పై తరగతులకు ప్రమోట్ చేస్తారు. పీహెచ్‌డీ స్కాలర్ల సెమిస్టర్, వైవా వాయిస్‌ల పరీక్షలను యూజీసీ మార్గదర్శకాల మేరకు ఆన్‌లైన్లో పూర్తిచేయాలి. వైవా వాయిస్‌ను రికార్డు చేసి వర్సిటీలో భద్రపరచాలి.

ఉన్నత విద్యామండలి షెడ్యూల్:

1.ఎంసెట్ ఎగ్జామ్‌ - జులై 27 నుంచి 31వరకు

ఎంసెట్‌ మొదటి విడత కౌన్సెలింగ్‌- ఆగస్టు 16 నుంచి 25వరకు

బీటెక్, బీఫార్మసీ ఫస్టియర్ తరగతులు - సెప్టెంబర్2 నుంచి ప్రారంభం

ఎంసెట్‌ రెండో విడత కౌన్సెలింగ్‌ - సెప్టెంబర్‌ 3 నుంచి 7వరకు

2. ఈసెట్ పరీక్ష - జులై 24

మొదటివిడత కౌన్సెలింగ్‌ - ఆగస్టు 3 నుంచి 8 వరకు

రెండోవిడత కౌన్సెలింగ్‌ - ఆగస్టు 19 నుంచి 22వరకు

తరగతులు ప్రారంభం - ఆగస్టు 17నుంచి

3. ఐసెట్ పరీక్ష - జులై 25

మొదటి విడత కౌన్సెలింగ్‌ - ఆగస్టు 27 నుంచి సెప్టెంబర్ 2వరకు

రెండోవిడత కౌన్సెలింగ్‌ - సెప్టెంబర్ 12 నుంచి 15వరకు

ఫస్ట్ సెమిస్టర్ తరగతుల ప్రారంభం - సెప్టెంబర్ 7 నుంచి

ప్రొఫెషనల్ కోర్సుల క్యాలెండర్:

2019-20 చివరి సెమిస్టర్ పరీక్షలు - 2020 జూలై 1 నుంచి ప్రారంభం

2019 విద్యా సంవత్సరం ఇతర సెమిస్టర్ పరీక్షలు - 2020 జూలై 15 నుంచి ప్రారంభం

3, 5, 7 సెమిస్టర్ల క్లాస్‌వర్కు ప్రారంభం - 2020 ఆగస్టు 3 నుంచి

ఫస్టియర్ బీటెక్, బీఫార్మా తరగతులు ప్రారంభం - 2020 సెప్టెంబర్ 2

ఎంబీఏ, ఎంసీఏ 1 సెమిస్టర్ తరగతులు - 2020 సెప్టెంబర్ 7

డిగ్రీ తదితర నాన్ ప్రొఫెషనల్ కోర్సుల క్యాలెండర్:

కాలేజీల రీ ఓపెనింగ్‌ - ఆగస్టు 1

3, 5 సెమిస్టర్ల తరగతులు - ఆగస్టు 3 ప్రారంభం

నాన్ ప్రొఫెషనల్ డిగ్రీ ఫస్ట్ సెమిస్టర్ తరగతులు - సెప్టెంబర్ 15 ప్రారంభం

3, 5 సెమిస్టర్ల ఇంటర్నల్ పరీక్షలు - అక్టోబర్ 19 నుంచి 23 వరకు

1 సెమిస్టర్ ఇంటర్నల్ పరీక్షలు - నవంబర్ 23 - 28

3, 5 సెమిస్టర్ల చివరి పరీక్షలు - డిసెంబర్ 1

1 సెమిస్టర్ చివరి పరీక్షలు - జనవరి 4