నూనె వ్యాపారంతో ఉపాధి పొందండిలా..

లాక్ డౌన్ కారణంగా అన్ని రంగాలు కుదేలయ్యాయి. ప్రైవేటు రంగంలో అనేక మంది ఉద్యోగాలు పోవడంతో ఉపాధి కోల్పాయారు. ఈ తరుణంలో చాలా మంది సొంత వ్యాపారాలను ప్రారంభించే ప్రయత్నాలు చేస్తున్నారు. ప్రభుత్వం సాయం అందించే వ్యాపారాలు అనేకం ఉన్నాయి. అలాంటి వ్యాపారాలను ప్రారంభిస్తే లాభాలు పొందడంతో పాటు నలుగురికి ఉపాధి సైతం కల్పించే అవకాశం ఉంటుంది. అలాంటి వ్యాపారాల్లో వంటనూనె తయారు చేయడం ఒకటి. భారతదేశంలో వంటనూనెలకు మంచి డిమాండ్ ఉంది. ఒక వేళ మీరు రైతు అయితే మీ భూమిలోనే పొద్దుతిరుగుడు, వేరుశనగ పంటపండిస్తే అధిక లాభాలు పొందవచ్చు. ఈ వ్యాపారాన్ని ప్రారంభించాలంటే ముందుగా యంత్రాలను సమకూర్చుకోవాల్సి ఉంటుంది. పల్లి, సన్ ఫ్లవర్ నూనెల్లో ఏది అమ్మాలనుకుంటున్నారో మొదట నిర్ణయించుకొని అందుకు అనుగుణంగా యంత్రాలను కొనుగోలు చేయాల్సి ఉంటుంది. మిల్లుల ఏర్పాటుకు లైసెన్సులు తప్పనిసరిగా అవసరం ఉంటుంది. ఒక లైసెన్స్ బ్యూరో ఆఫ్ ఇండియన్ స్టాండర్డ్స్ చేత జారీ చేస్తారు. మరొక లైసెన్స్ FSSAI ఇస్తుంది. ఇది కాకుండా, మీరు ఈ వ్యాపారాన్ని ప్రారంభించే రాష్ట్రం నుంచి, స్థానిక సంస్థల నుంచి అనేక రకాల లైసెన్స్‌లను పొందాల్సి ఉంటుంది.

మిల్లు సామర్థ్యానికి అనుగుణంగా మూడు రకాలుగా మనం వ్యాపారం ప్రారంభించవచ్చు..

1 - చిన్న తరహా పరిశ్రమ - ఈ తరహాలో మీరు రోజుకు 5-10 మెట్రిక్ టన్నుల నూనెను ఉత్పత్తి చేసే అవకాశం ఉంటుంది.

2 - మధ్య తరహా- 10 నుంచి 50 మెట్రిక్ టన్నుల నూనెను ఉత్పత్తి చేయవచ్చు.

3- పెద్ద తరహా- 50 మెట్రిక్ టన్నుల వరకు నూనెను ఉత్పత్తి చేయవచ్చు.

సన్ ఫ్లవర్ నూనె తయారీకి..

సన్ ఫ్లవర్ మిల్లు కోసం 15 KW/20HP మోటారును ఏర్పాటు చేయాల్సి ఉంటుంది. దీని ధర రూ. 40 వేల వరకు ఉంటుంది. ఆయిల్ డిస్పెన్సర్ ధర మరో రూ. లక్ష, ఖాళీ డబ్బాలు, సీసాలు రూ .10 వేలు, విద్యుత్ కనెక్షన్ త్రీ ఫేజ్ - రూ .20 వేలు వరకు ఉంటుంది.

మిల్లు కోసం యంత్రాలను కింది లింకుల ద్వారా ఆన్లైన్ లో కొనుగోలు చేయవచ్చు..

www.alibaba.com/showroom/oil-extraction-machine.html

www.tradeindia.com/

dir.indiamart.com/impcat/oil-extraction-machine.html