ఐదో రోజు పెరిగిన పెట్రోల్ ధర
Andhra Pradesh Telugu | Suryaa Desk | Published : Thu, Jun 11, 2020, 01:59 PM
అసలే కరోనాతో ఉపాధి, ఆదాయం కోల్పోయి ఇబ్బంది పడుతున్న సామన్యులను పెరుగుతున్న పెట్రోల్ ధరలు మరింత ఇబ్బంది పెడుతున్నాయి. వరుసగా ఐదో రోజు పెట్రోల్, డీజిల్ ధరలు పెరిగాయి. దేశంలోని చమురు సంస్థలు ఏ రోజుకు ఆ రోజు పెట్రోల్-డీజిల్ ధరలను సమీక్షిస్తున్నాయి. దీంతో నిత్యం ధరలు మారుతున్నాయి.గురువారం ఢిల్లీలో పెట్రోల్ ధర 60 పైసలు పెరిగి లీటరుకు రూ .74 కు చేరుకుంది. డీజిల్ ధర 60 పైసలు పెరిగి రూ. 72.22కు చేరింది. హైదరాబాద్ లో పెట్రోల్ ధర 62 పైసలు పెరగడంతో రూ. 76.82కు చేరింది. డీజిల్ ధర రూ.59 పైసలు పెరగడంతో రూ. 70.59కు చేరింది. పెట్రోల్ ధర 5 రోజుల్లో లీటరుకు రూ .2.74, డీజిల్ రూ .2.83 పెరిగింది. నిపుణుల అంచనా ప్రకారం.. పెట్రోల్ ధరలు ప్రస్తుత స్థాయి నుంచి రూ .5 వరకు పెరిగే అవకాశం ఉంది. అంతర్జాతీయ ముడి చమురు ధరలు పెరగడంతో పెట్రోల్, డీజిల్ ధరలు పెరగడానికి అవకాశం ఉంది.
|
|