యువతిపై తాజా, మాజీ ప్రేమికుల కుట్ర
Andhra Pradesh Telugu | Suryaa Desk | Published : Thu, Jun 11, 2020, 01:28 PM
మాజీ ప్రేయసిపై హెల్మెట్ తో దాడికి దిగాడు ఓ యువకుడు. తనను వదిలేసి వేరే వ్యక్తితో ప్రేమాయణం సాగిస్తుండడంతో తట్టుకోలేక ఈ దారుణానికి ఒడిగట్టాడు. ఈ ఘటన బెంగళూరులోని నెలమంగల సోలదేనహళ్లి పోలీస్‌ స్టేషన్‌ పరిధిలో చోటుచేసుకుంది. వివరాల ప్రకారం.. 21 ఏళ్ల యువతి.. బబిత్‌ అనే యువకుడి నడుమ నాలుగేళ్ల పాటు ప్రేమాయణం సాగింది. ఇటీవల వీరి నడుమ విభేదాలు రావడంతో విడిపోయారు. అనంతరం కొద్ది రోజులకు ఆ యువతికి రాహుల్‌ అనే మరో యువకుడు పరిచయం కావడంతో అతడితో ప్రేమలో పడింది.ఈ క్రమంలో యువతి కొత్త ప్రియుడి ఇంటికి వెళ్లింది. విషయం తెలుసుకున్న మాజీ ప్రియుడు అక్కడకు వచ్చి యువతిని హెల్మెట్‌తో తీవ్రంగా కొట్టాడు. యువతికి తీవ్ర గాయాలు కావడంతో సృహతప్పి పడిపోయింది. దీంతో యువతి ఇంటికి ఫోన్‌ చేసి మీ కుమార్తెకు యాక్సిడెంట్‌ జరిగిందని నమ్మించే ప్రయత్నం చేశాడు. యువతిని స్థానిక ప్రైవేటు ఆస్పత్రికి తరలించారు. యాక్సిడెంట్‌ కాదు, దాడి జరిగిందని తెలుసుకున్న యువతి తల్లిదండ్రులు పోలీసులకు ఫిర్యాదు చేశారు. అయితే తీవ్ర గాయాలపాలైన ఆ యువతికి మరో షాకింగ్ విషయం తెలిసింది. ఆమె కొత్త, పాత ప్రియుడు ఇద్దరూ స్నేహితులని, కొత్త ప్రియుడి సమాచారంతోనే మాజీ ప్రియుడు వచ్చి దాడి చేశాడని యువతికి తెలిసింది. పోలీసులు ఇద్దరు నిందితులను అరెస్టు చేశారు.
|
|