ఫార్మసీ అభ్యర్థులకు గుడ్ న్యూస్
Andhra Pradesh Telugu | Suryaa Desk | Published : Sun, Jun 07, 2020, 11:04 AM
ఫార్మసీ డిగ్రీ పూర్తి చేసిన విద్యార్థులకు ఏపీ ఫార్మసీ కౌన్సిల్ గుడ్ న్యూస్ చెప్పనుంది. ఫార్మసీలో డిగ్రీ పూర్తి చేసిన అభ్యర్థులు తమ పేర్లను నమోదు చేసుకునేందుకు త్వరలో ఆన్‌లైన్‌లో స్లాట్‌ బుకింగ్‌ సదుపాయాన్ని ప్రారంభిస్తామని ఏపీ ఫార్మసీ కౌన్సిల్ స్పష్టం చేసింది. ఈనెల 10వ నుంచి ఆన్‌లైన్‌లోనే స్లాట్‌ బుకింగ్‌ సౌకర్యం ప్రారంభమయ్యే అవకాశం ఉంది. ఈ మేరకు జాతీయ విజ్ఞాన కేంద్రం అధికారులతో సంప్రదింపులు జరుపుతున్నట్లు రిజిస్ట్రార్‌ రామ్మూర్తి పేర్కొన్నారు. అందుకోసం అభ్యర్థులు ఆన్‌లైన్‌లోనే అన్ని ధ్రువపత్రాలను అప్‌లోడ్‌ చేయాల్సి ఉంటుంది. అభ్యర్థులు ఉద్యోగ నియామకాల కోసం పెట్టుకునే దరఖాస్తుల్లో ఈ రిజిస్ట్రేషన్‌ వివరాలు తెలపాలి లాక్‌డౌన్‌ కారణంగా రిజిస్ట్రేషన్ల ప్రక్రియ నిలిచిపోయింది. అయితే అత్యవసరమైన అభ్యర్థులకు ప్రస్తుతం నేరుగా వస్తే రిజిస్ట్రేషన్‌ చేస్తామని రిజిస్ట్రార్‌ స్పష్టం చేశారు.
|
|