త్వరలో హాట్ స్టార్ వీఐపీ సబ్ స్క్రిప్షన్ అందించనున్న జియో
Andhra Pradesh Telugu | Suryaa Desk | Published : Sat, Jun 06, 2020, 11:22 AM
రిలయన్స్ జియో తన వినియోగదారులకు బంపర్ ఆఫర్ ను అందించడానికి సిద్ధం అవుతుంది. బండిల్ ఆఫర్ కింద డిస్నీ ప్లస్ హాట్ స్టార్ వీఐపీ సబ్ స్క్రిప్షన్ ను ఏడాది పాటు అందించనుంది. డిస్నీ ప్లస్ హాట్ స్టార్ వార్షిక సబ్ స్క్రిప్షన్ ధర రూ.399గా ఉంది. ఇందులో డిస్నీ ప్లస్ షోలు, సినిమాలు, చిన్న పిల్లలు చూసే సినిమాలు, టీవీ షోలు, యానిమేషన్ కంటెంట్, హాట్ స్టార్ స్పెషల్స్, ఐపీఎల్, ఫార్ములా వన్ వంటి స్పోర్ట్స్ షోలు చూసే అవకాశం ఉంటుంది.అధికారిక వెబ్ సైట్/యాప్ లో టీజ్ చేసిన దాని ప్రకారం జియో ఒక సంవత్సరం పాటు డిస్నీ ప్లస్ హాట్ స్టార్ వీఐపీ సబ్ స్క్రిప్షన్ పొందనుంది. అయితే కొన్ని ప్లాన్లకు ప్రత్యేకంగా అందిస్తుందా? లేక ప్రత్యేకంగా ఏదైనా మొత్తం చెల్లించాలా? అనే విషయం తెలియాల్సి ఉంది. దీనికి సంబంధించిన లాంచ్ తేదీని కూడా జియో తెలపలేదు. ఇందులో ఉన్న టీజర్ లో కేవలం “coming soon” అని మాత్రం పేర్కొన్నారు. డిస్నీ ప్లస్ హాట్ స్టార్ వీఐపీ సబ్ స్క్రిప్షన్ ద్వారా భారతీయ షోలకు సంబంధించిన లేటెస్ట్ ఎపిసోడ్లు అన్నీ అవి ప్రసారమయ్యే రోజు పొద్దున్న ఆరు గంటలకే చూడవచ్చు.
|
|