జన్ ధన్ ఖాతాల్లోకి నగదు.. చెక్ చేసుకోండి ఇలా

ప్రధాన మంత్రి గరీబ్ కళ్యాణ్ యోజన ప్యాకేజీలో భాగంగా లబ్ధిదారుల జన్ ధన్ అకౌంట్లలోకి నగదు బదిలీ ప్రక్రియ శుక్రవారం ప్రారంభమైంది. బ్యాంకులు జన్ ధన్ అకౌంట్లలోకి మూడో విడత డబ్బుల్ని ట్రాన్స్‌ఫర్ చేస్తున్నాయి బ్యాంకులు. లబ్దిదారులకు రూ.500 జమ చేయనున్నారు. మీరు లబ్ధిదారుల జాబితాలో ఉన్నట్టైతే మీ అకౌంట్‌లోకి డబ్బులు వచ్చాయో లేదో ఇలా తెలుసుకోండి. స్టేట్ బ్యాంక్ ఆఫ్ ఇండియా ప్రకటించిన షెడ్యూల్ ప్రకారం అకౌంట్ నెంబర్‌ చివర్లో 0 లేదా 1 నెంబర్ ఉన్నవారికి జూన్ 5న, అకౌంట్ నెంబర్‌ చివర్లో 2 లేదా 3 నంబర్ ఉన్నవారికి జూన్ 6న, చివర్లో 4 లేదా 5 నెంబర్ ఉన్నవారికి జూన్ 8న, అకౌంట్ నెంబర్‌ చివర్లో 6 లేదా 7 నెంబర్ ఉన్నవారికి జూన్ 9న, అకౌంట్ నెంబర్‌ చివర్లో 8 లేదా 9 నెంబర్ ఉన్నవారికి జూన్ 10న డబ్బులు బదిలీ కానున్నాయి. బ్యాంకులు, బ్యాంకు మిత్ర, సీఎస్‌పీ, ఏటీఎంలో లబ్ధిదారులు నగదు డ్రా చేసుకోవచ్చు.బ్యాలెన్స్ చెక్ చేయడానికి బ్యాంకుకు వెళ్లాల్సిన అవసరం లేదు. కేవలం మిస్డ్ కాల్ ఇచ్చి బ్యాలెన్స్ వివరాలు ఎస్ఎంఎస్ రూపంలో పొందే సదుపాయం ఉంది. స్టేట్ బ్యాంక్ ఆఫ్ ఇండియాలో మీకు జన్ ధన్ అకౌంట్ ఉంటే 18004253800 లేదా 1800112211 నంబర్లకు మీ రిజిస్టర్డ్ మొబైల్ నెంబర్ నుంచి ఫోన్ చేసి బ్యాలెన్స్ తెలుసుకోవచ్చు. దీంతో చివరి 5 ట్రాన్సాక్షన్లు, మీ అకౌంట్ బ్యాలెన్స్ వివరాలు తెలుస్తాయి. 9223766666 నెంబర్‌కు కాల్ చేసి కూడా బ్యాలెన్స్ తెలుసుకోవచ్చు. పంజాబ్ నేషనల్ బ్యాంక్‌లో జన్ ధన్ అకౌంట్ ఉంటే 18001802223 లేదా 01202303090 నంబర్లకు మిస్డ్ కాల్ ఇవ్వాలి. మీకు బ్యాలెన్స్ వివరాలు ఎస్ఎంఎస్ రూపంలో వస్తాయి. లేదా BALఅని టైప్ చేసి స్పేస్ ఇచ్చి మీ 16 అంకెల అకౌంట్ నంబర్ టైప్ చేసి 5607040 నంబర్‌కు ఎస్ఎంఎస్ పంపితే మీ బ్యాలెన్స్ తెలుస్తుంది. బ్యాంక్ ఆఫ్ ఇండియాలో మీకు జన్ ధన్ అకౌంట్ ఉంటే 09015135135 నంబర్‌కు మిస్డ్ కాల్ ఇచ్చి బ్యాలెన్స్ వివరాలు తెలుసుకోవచ్చు. ఓరియెంటల్ బ్యాంక్ ఆఫ్ కామర్స్‌లో మీకు జన్ ధన్ అకౌంట్ ఉంటే 8067205767 నెంబర్‌కు మిస్డ్ కాల్ ఇచ్చి బ్యాలెన్స్ తెలుసుకోవచ్చు. ఇండియన్ బ్యాంక్‌లో జన్ ధన్ ఖాతా ఉంటే మీ రిజిస్టర్ మొబైల్ నంబర్ నుంచి 180042500000 లేదా 9289592895 నంబర్‌కు కాల్ చేసి బ్యాలెన్స్ వివరాలు తెలుసుకోవచ్చు.