భార్యను అమ్మకానికి పెట్టిన భర్త
Andhra Pradesh Telugu | Suryaa Desk | Published : Fri, Jun 05, 2020, 12:55 PM
భార్యను ఆన్ లైన్ లో అమ్మకానికి పెట్టాడు ఓ భర్త. ఈ ఘటనకు సంబంధించిన వివరాలిలా ఉన్నాయి. యూపీలోని మెహ్ నగర్ పరిధిలోని తుథియా గ్రామానికి చెందిన పునీత్ కు కొత్వాలీకి చెందిన యువతితో సంవత్సరం క్రితం వివాహమైంది. పెళ్లి సమయంలో అత్తింటి వారు కట్న కానుకలతో పాటు బైక్ ఇస్తానన్నారు. పెళ్లి అయ్యి సంవత్సరం అయినా అత్తగారు బైక్ ఇప్పించకపోవడంతో పునీత్ తన భార్యను వేధింపులకు గురి చేశాడు. నిత్యం గొడవలు పెట్టుకునేవాడు. దీంతో అతని వేధింపులు భరించలేక ఆమె పుట్టింటికి వెళ్లిపోయింది.దీంతో ఆగ్రహించిన పునీత్ భార్య ఫోటోలు,ఫోన్ నంబర్ ను ఫేస్ బుక్,వాట్సాప్ గ్రూపులలో పెట్టాడు. తనకు డబ్బులు చెల్లించి ఆమెతో గడపొచ్చని అందులో రాశాడు. దీంతో గుర్తు తెలియని వ్యక్తులు ఆమె ఫోన్ నంబర్ కు ఫోన్ చేసి వేధించసాగారు. చివరకు ఈ దారుణానికి పాల్పడింది తన భర్తే అని అపరిచితుల ద్వారా తెలుసుకున్న బాధిత మహిళ పోలీసులకు ఫిర్యాదు చేసింది. పోలీసులు అతనిని అదుపులోకి తీసుకొని కేసు నమోదు చేసి దర్యాప్తు చేస్తున్నారు.
|
|